សំឡេងទ្រហោយំពេញទីអារាមក្នុងថ្ងៃបូជាសពនាយវីតាមីនសេ
- ភ្នំពេញ
រាជធានីភ្នំពេញ ៖ សពនាយ វីតាមីនសេ ត្រូវបានដង្ហែទៅកាន់ឈាបនដ្ឋាននៅវត្តព្រះបារមី មង្គត់បុរី កាបិលភ័ស្ស កាលពីរសៀលថ្ងៃទី១ ខែមេសា ឆ្នាំ២០១៨…
រាជធានីភ្នំពេញ ៖ សពនាយ វីតាមីនសេ ត្រូវបានដង្ហែទៅកាន់ឈាបនដ្ឋាននៅវត្តព្រះបារមី មង្គត់បុរី កាបិលភ័ស្ស កាលពីរសៀលថ្ងៃទី១ ខែមេសា ឆ្នាំ២០១៨…
រាជធានីភ្នំពេញ ៖ សពនាយ វីតាមីនសេ ត្រូវបានដង្ហែទៅកាន់ឈាបនដ្ឋាននៅវត្តព្រះបារមី មង្គត់បុរី កាបិលភ័ស្ស កាលពីរសៀលថ្ងៃទី១ ខែមេសា ឆ្នាំ២០១៨ ដែលមានវត្តមានតារាល្បីៗចូលរួមក្នុងពិធីដង្ហែនោះ លុះម៉ោងប្រមាណ៦ល្ងាច សពត្រូវបានបូជា។
នាគ្រានោះសំឡេងទ្រហោយំពេញទីអារាមទាំងសាច់ញាតិ មិត្តសិល្បករ បងប្អូននៅក្បែរវត្ត ខ្លះរត់មកឈរសម្លឹងទៅមេរុ ដោយនឹកសោកស្តាយតារាកំប្លែងវីតាមីនសេ ដែលជាសិល្បករកំប្លែងដ៏មានតម្លៃម្នាក់ត្រូវឃ្លាតឆា្ងយជារៀងរហូត។
ចំណែកអ្នកនាង ប៉េងប៉ោងវិញ បានយំឡើងខ្សោះទឹកភ្នែកទន់ខ្លួនហួសប្រមាណរកអ្វីថ្លែងមិនបាន គ្រាដែលកាលឪពុកនៅរស់ដើរសម្តែងកំប្លែងជាមួយអ្នកមានគុណគ្រប់ច្រកល្ហក ដើម្បីជីវភាព ទើបបន្សល់នូវរូបភាពជាច្រើននៅក្នុងដួងចិត្តពិបាកនឹងកាត់ផ្តាច់ពីក្រអៅបេះដូងបាន។
ទន្ទឹមនឹងនោះ អ្នកនាង ចន ច័ន្ទលក្ខិណា បានសម្តែងចិត្តអាណោះអាល័យនៅក្នុងសំណេររបស់នាងថា «ការបាត់បង់នាយ វីតាមីនសេ គឺការបាត់បង់ វិរៈសិល្បករ ដ៏មានតម្លៃបំផុតនៅក្នុងវិស័យសិល្បៈ»។ ទោះជាយ៉ាងណា នាយបានលាចាកលោកទៅហើយ ម្ល៉ោះហើយអ្នកនាងប្រធានសមាគមសិល្បករខ្មែរ មានតែជូនដំណើរជាលើកចុងក្រោយ។
ចែករំលែកព័តមាននេះ