ខេត្តបាត់ដំបង ៖ ពិធីប្រកាស់ទទួលស្គាល់សមាជិកបក្សប្រជាជនចំនួន២៧១នាក់ក្នុងវត្តមហាគន្ធកុដិ ប៊ុត សាវង្ស សង្កាត់រតនះ ក្រុងបាត់ដំបងក្រោមអធិបតីភាពលោក ច័ន្ទ សុផល សមាជិកគណកម្មការកណ្តាលគណបក្សប្រជាជនកម្ពុជា ប្រធានគណបក្សប្រជាជនខេត្តបាត់ដំបងលោក ឯក សំអូន សមាជិកអចិន្ត្រៃយ៍គណកម្មាធិការកណ្តាលបក្សប្រជាជនកម្ពុជាខេត្តបាត់ដំបង ប្រធានក្រុមការងារចុះជួយសង្កាត់រតនះ ដោយបានធ្វើឡើងវេលារសៀល ថ្ងៃទី៣០ ខែមីនា ឆ្នាំ២០១៨ ។
លោក ផេង សិទ្ឋី ប្រធានគណកម្មការបក្សប្រជាជនក្រុងបាត់ដំបងបានអានសេចក្តីសម្រេចប្រកាស់បញ្ចូលសមាជិកបន្ថែមទៀតក្នុងក្រុងបាត់ដំបងមាន១០សង្កាត់មានសមាជិកចាស់ចំនួន៤០៤៧នាក់ ហើយពេលនេះត្រូវបញ្ចូលបន្ថែមទៀតតាមការស្ម័គ្រចិត្ត ហើយមានការជឿជាក់ ដើម្បីរួមគ្នាថែររក្សាសន្តិសុខឲ្យប្រជាជននៅក្នុងភូមិមានក្តីសុខមិនឲ្យមានជួបការភ័យខ្លាចអ្វីឡើយ ។
បន្ទាប់មកលោក ឯក សំអូន ប្រធានក្រុមការងារសង្កាត់រតនះបានថ្លែងថា គោលបំណងការប្រកាសសមាជិកបន្ថែមទៀតនេះគឺ បន្ថែមពីលើការងារចាស់កាលពីឆ្នាំ២០១៧ដោយឃើញមានប្រជាពលរដ្ឋខ្លះនៅជួបការលំបាកខ្វះខាតនៅឡើយ ហើយកន្លងមកយើងបានចុះធ្វើជាសៀវភៅគ្រួសារបក្សប្រជាជនបានចំនួន១៦៦០គ្រួសារ ដែលមានចំនួនមនុស្ស៤៤៦៥នាក់ ចំណាយថវិកាអស់៥០លានរៀល រួចមកហើយដែលមានការទុកចិត្ត និងសង្កេតពីអតីតកាល មកបច្ចុប្បន្នកាលដែលគណបក្សប្រជាជនកម្ពុជាបានរំដោះរួចចាកផុតពីបនប្រល័យពូជសាសន៍ និងការចាកចេញវិលត្រឡប់ពីគណបក្សប្រឆាំងមករួមរស់ជាមួយគណបក្សប្រជាជនកម្ពុជាវិញ ៕
ចែករំលែកព័តមាននេះ