ខេត្តស្វាយរៀង ៖ ប្រជាពលរដ្ឋមន្ត្រីរាជការដង្ហែក្បួនប្រារពពិធីអបអរសាទរទិវាជាតិទីក្រុងស្អាតលើកទី៦ ក្រោមប្រធានបទ ទីក្រុងស្អាតដើម្បីទាំងអស់គ្នា និងពិធីប្រកាសជ័យលាភីទីក្រុងស្អាតលើកទី២ សម្រាប់ឆ្នាំ ២០១៨-២០២១ របស់រដ្ឋបាលក្រុងស្វាយរៀងដែលទទួលបានចំណាត់ថ្នាក់ទីក្រុងស្អាតផ្ការំដួល២ទង ។…
ខេត្តស្វាយរៀង ៖ ប្រជាពលរដ្ឋមន្ត្រីរាជការដង្ហែក្បួនប្រារពពិធីអបអរសាទរទិវាជាតិទីក្រុងស្អាតលើកទី៦ ក្រោមប្រធានបទ ទីក្រុងស្អាតដើម្បីទាំងអស់គ្នា និងពិធីប្រកាសជ័យលាភីទីក្រុងស្អាតលើកទី២ សម្រាប់ឆ្នាំ ២០១៨-២០២១ របស់រដ្ឋបាលក្រុងស្វាយរៀងដែលទទួលបានចំណាត់ថ្នាក់ទីក្រុងស្អាតផ្ការំដួល២ទង ។ ពិធីបានរៀបចំដង្ហែរក្បួនទទួលជ័យលាភីនេះនៅព្រឹកថ្ងៃទី៣០ ខែមីនា ឆ្នាំ២០១៨ ។
ក្នុងឪកាសនោះក៏មានការចូលរួមពីលោក យូ ប៊ុន្នី អភិបាលក្រុង លោកអភិបាលរងក្រុងកងកម្លាំងប្រដាប់អាវុធទាំង៣ តំណាងមន្ទីរបរិស្ថាន និងមន្ទីរទេសចរណ៍ខេត្តការិយាល័យចំណុះឱ្យក្រុងលោកចៅសង្កាត់លោកគ្រូ អ្នកគ្រូ សិស្សានុសិស្ស វិទ្យាល័យស្វាយរៀង ព្រះសង្ឃ សរុបប្រមាណ១៤៨០នាក់ ។
លោក យូ ប៊ុន្នី អភិបាលក្រុងស្វាយរៀងបានសំដែងការអបអរសាទរចំពោះប្រមុខរាជរដ្ឋាលកម្ពុជាដែលបានផ្តល់ជ័យលាភីទទូលបានចំណាត់ថ្នាក់ទីក្រុងស្អាតផ្ការំដូល២ទងសំរាប់ឆ្នាំ២០១៨នេះ ។
លោកបន្តថា ក្នុងនាមលោកជាអភិបាលក្រុងក៏ដូចជាតំណាងឱ្យរដ្ឋបាលក្រុងស្វាយរៀងទាំងមូលបានសំដែងការសប្បាយរីករាយក្រៃលែងថ្លែងអណរគុណចំពោះបងប្អូនជាមន្ត្រីរាជការ កងកម្លាំងប្រដាប់អាវុធគ្រប់លំដាប់ថ្នាក់ បងប្អូនក្មួយៗសិស្សានុស្សលោកគ្រួអ្នកគ្រូ ប្រជាពលរដ្ឋទាំងអស់ដែលបានចូលរួមចំណែកក្នុងអភិវឌ្ឍន៍ក៍ដូចជាចូលរួមយ៉ាងសកម្មក្នុងការសំអាតបរិស្ថានឱ្យបានល្អនាពេលកន្លងមក ៕
ចែករំលែកព័តមាននេះ