ខេត្ដកំពង់ស្ពឺ ៖ បុរសម្នាក់បានត្រូវសមត្ថ កិច្ចស្រុកសំរោងទងចាប់ខ្លួនកាលពីវេលា ម៉ោង១០និង៣០នាទីយប់ ថ្ងៃទី២៣ មករា ពីបទប្រើប្រាស់អំពើហិ.ង្សាដុតផ្ទះខ្លួនឯងឱ្យ ឆេះខ្ទេច រួចហើយរត់គេចខ្លួនឡើងភ្នំអស់ ពេលមួយល្ងាច ប៉ុន្ដែដោយសាររូបគេអត់ចេះ នៅលើភ្នំដែលមានសុទ្ធតែព្រៃនោះ ទើបវិល ត្រឡប់ចូលមករកប្រពន្ធវិញ ហើយក៏ត្រូវ សមត្ថកិច្ចចាប់ខ្លួនតែម្ដង ។
ខេត្ដកំពង់ស្ពឺ ៖ បុរសម្នាក់បានត្រូវសមត្ថ កិច្ចស្រុកសំរោងទងចាប់ខ្លួនកាលពីវេលា ម៉ោង១០និង៣០នាទីយប់ ថ្ងៃទី២៣ មករា ពីបទប្រើប្រាស់អំពើហិង្សាដុតផ្ទះខ្លួនឯងឱ្យ ឆេះខ្ទេច រួចហើយរត់គេចខ្លួនឡើងភ្នំអស់ ពេលមួយល្ងាច ប៉ុន្ដែដោយសាររូបគេអត់ចេះ នៅលើភ្នំដែលមានសុទ្ធតែព្រៃនោះ ទើបវិល ត្រឡប់ចូលមករកប្រពន្ធវិញ ហើយក៏ត្រូវ សមត្ថកិច្ចចាប់ខ្លួនតែម្ដង ។
លោកអនុសេនីយ៍ឯក ហែម ផាន អធិការរងនគរបាលស្រុកសំរោងទង បានប្រាប់ កោះសន្ដិភាពថា ជនដែលដុតបំផ្លាញផ្ទះខ្លួន ឯងនេះឈ្មោះអុន នាង អាយុ២៥ឆ្នាំ រស់នៅ ភូមិស្វាយដង្គុំ ឃុំស្គុះ ស្រុកសំរោងទង ខេត្ដ កំពង់ស្ពឺ ។ ជនកំហូចនេះត្រូវបានគេដឹងថា មានជាប់ពាក់ព័ន្ធនឹងប្រពន្ធទី២មួយទៀតដែលក្មេង ហើយស្អាតជាងប្រពន្ធដើម ក៏រករឿងប្រពន្ធដើមគ្រប់បែបគ្រប់យ៉ាងដើម្បីធ្វើឱ្យមានជំលោះគ្នាងាយស្រួលក្នុងការលែងលះជាមួយប្រពន្ធដើម ទៅរកនាងចុងវិញ។
លោកអធិការរងហែម ផាន បានបន្ដថា នៅ ថ្ងៃទី២៣ មករា ឈ្មោះអុន នាង បានទៅលេងផ្ទះប្រពន្ធចុង ដែលស្ថិតនៅក្បែររោងមហោស្រពខេត្ដកំពង់ស្ពឺ ហើយប្រពន្ធដើម មកតាមមើលក៏មានការប្រទូស្ដរ៉ាយគ្នា ឯឈ្មោះអុន នាង ពេលត្រឡប់ទៅដល់ផ្ទះ របស់ខ្លួនវិញនាវេលាម៉ោង១២និង៣០នាទី ថ្ងៃត្រង់ក៏ដុតផ្ទះរបស់ខ្លួនចោល ដើម្បីកុំឱ្យមានផ្ទះរស់នៅជាមួយប្រពន្ធដើមទៀត។
ផ្ទះនោះសង់អំពើឈើប្រក់ស័ង្កសី មានទំហំ៥ម៉ែត គុណ៧ម៉ែត្រ ត្រូវឆេះម៉ដ្ឋ ដោយសារបុរសជាប្ដីចិត្ដសាវា ។ ពេលដុតផ្ទះរួចបុរសអគតិជាប្ដីក៏ភ័យខ្លួនរត់ឡើងលើភ្នំដែលនៅ មិនឆ្ងាយប៉ុន្មានពីភូមិ ប៉ុន្ដែបានមួយល្ងាច សំងំពុំសុខក៏វិលមករកអន្ទាក់ដែលប៉ូលិស ត្រៀមទុកចាំនោះតែម្ដង ។
នៅចំពោះមុខសមត្ថកិច្ចជំនាញ ឈ្មោះ អុន នាង បានសារភាពពីទោសកំហុសដែល ខ្លួនបានប្រព្រឹត្ដដែលការសារភាពនេះត្រូវ បានប៉ូលិសស្រុកសំរោងទងកសាងសំណុំរឿងបញ្ជូនទៅស្នងការដ្ឋាននគរបាលខេត្ដកំពង់ស្ពឺ ដើម្បីចាត់ការតាមច្បាប់បន្ដទៀត ។
ចែករំលែកព័តមាននេះ