ខេត្តក្រចេះ ៖ រដ្ឋលេខាធិការក្រសួងមហាផ្ទៃលោក ប៉ាវ ហមផាន បានថ្លែងដោយជម្រុញ ឲ្យនគរបាលវរការពារព្រំដែនត្រូវខិតខំប្រឹងប្រែងអនុវត្តតួនាទីភារកិច្ចការពារសន្តិសុខតាម ខ្សែរក្រវ៉ាត់ព្រំដែនធ្វើយ៉ាងណាឲ្យព្រំដែនមានសន្តិភាព ។ ការមានប្រសាសន៍លើកឡើងបែបនេះរបស់លោក ប៉ាវ ហមផន រដ្ឋលេខាធិកាក្រសួង មហាផ្ទៃបានធ្វើឡើងនៅព្រឹកថ្ងៃទី៣០ ខែមីនា ឆ្នាំ២០១៨ នៅក្នុងពិធីជួបសំណេះសំណាលជាមួយនឹង នាយ នាយរងព្រមទាំងមន្ត្រីនគរបាលទាំងអស់នៃវរការពារព្រំដែនគោកលេខ៦១៩ ចំណុះឲ្យ ស្នងការដ្ឋាននគរបាលខេត្ត ក្នុងឱកាសអបអរពិធីបុណ្យចូលឆ្នាំថ្មីប្រពៃណីជាតិខ្មែរដែលនិង ប្រព្រឹត្តទៅនាពេលខាងមុខនេះ ។
ក្រៅពីការមានប្រសាសន៍សំណេះសំណាលសួរសុខទុក្ខ និងនាំអំណោយមួយចំនួនធំ របស់របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រួសួងមហាផ្ទៃប្រគល់ ជូនដល់នគរបាលវរការពារព្រំដែន ។ លោក ប៉ាវ ហមផាន រដ្ឋលេខាធិកាក្រសួងមហាផ្ទៃ បាន សម្តែងនូវការកោតសសើរ និងលើកទឹកចិត្តដល់កម្លាំងនគរបាលវរការពារព្រំដែន ដែលកន្លង មកមានការយកចិត្តទុកដាក់ និងភារកិច្ចការងារបានសហការគ្នាជាមួយប្រទេសជាប់ព្រំដែន ដើម្បីរួមគ្នារក្សាបានល្អនូវ សន្តិសុខតាមខ្សែរបន្ទាត់ព្រំដែន ។ បន្ថែមពីលើនេះ លោកបាន ជម្រុញឲ្យនគរបាលខិតខំបម្រើសេវាសាធារណៈជូនប្រជាពរដ្ឋដែលរស់តាមខ្សែបន្ទាត់ព្រំដែននិងការរឹតបន្តឹងសាមគ្គីភាពផ្ទៃក្នុង ពង្រឹងវិន័យ និងក្រមសីលធម៌ ការរួមគ្នាបង្ករបង្កើនផល។
បើយោងតាមរបាយការណ៍របស់ឧត្តមសេនីយ៍ប៊ិត សាវ៉ាង ស្នងការរងទទួលកិច្ចការងារ ព្រំដែនបានឲ្យដឹងថា ព្រំដែនប្រទេសកម្ពុជាខេត្តក្រចេះមានព្រំដែនជាប់និងប្រទេសវៀត ណាមចំងាយ៧៤គីឡូ៥០០មែត្រ។ ចំណែកឯសភាពការព្រំដែនសម្រាប់ខេត្តក្រចេះនិងខេត្ត ប៊ិញភឿក ប្រទេសវៀតណាម ក៏មិនធ្លាប់កើតមានបញ្ហាអ្វីគួរឲ្យកត់សម្គាល់នោះទេ។ ដោយ ឡែកចំពោះបង្គោលខណ្ឌសីម៉ាព្រំដែន កសាងដោយក្រុមបច្ចេកទេសព្រំដែនថ្នាក់ជាតិ អនុវត្ត សាងសង់បាន១២បង្គោល និងបង្គោលខណ្ឌសីម៉ាព្រំដែនតូចៗ ដែលកំណត់បន្ថែមដោយ ទ្វេភាគីថ្នាក់ជាតិ បានចំនួន១៣០បង្គោល ៕
ចែករំលែកព័តមាននេះ