អ្នកជំនាញជំរុញវៀតណាមឱ្យស្វែងរកទីផ្សារដទៃទៀត
ទីក្រុងហាណូយ ៖ សេដ្ឋវិទូ អ្នកស្រី Pham Chi Lan បាននិយាយថា ក្រុមហ៊ុនវៀតណាមគួរតែពង្រីកការចាប់ដៃគូជាមួយទីផ្សារយ៉ាងតិច៣ ដើម្បីចៀសវាងការពឹងផ្អែកតែលើទីផ្សារណាមួយខ្លាំងពេក…
ទីក្រុងហាណូយ ៖ សេដ្ឋវិទូ អ្នកស្រី Pham Chi Lan បាននិយាយថា ក្រុមហ៊ុនវៀតណាមគួរតែពង្រីកការចាប់ដៃគូជាមួយទីផ្សារយ៉ាងតិច៣ ដើម្បីចៀសវាងការពឹងផ្អែកតែលើទីផ្សារណាមួយខ្លាំងពេក…
ទីក្រុងហាណូយ ៖ សេដ្ឋវិទូ អ្នកស្រី Pham Chi Lan បាននិយាយថា ក្រុមហ៊ុនវៀតណាមគួរតែពង្រីកការចាប់ដៃគូជាមួយទីផ្សារយ៉ាងតិច៣ ដើម្បីចៀសវាងការពឹងផ្អែកតែលើទីផ្សារណាមួយខ្លាំងពេក ។ អ្នកស្រីក៏បានជំរុញដល់ក្រុមហ៊ុនទាំងនោះឲ្យផ្តល់ឯកសារច្បាស់លាស់ និងមានតម្លាភាពផងដែរឲ្យស្របតាមស្តង់ដាទីផ្សារនាំចេញ ។
អ្នកស្រី Lan និយាយថា ៖« ក្រុមហ៊ុនវៀតណាមត្រូវតែបង្ហាញថា ពួកគេមិនពេញចិត្តនឹងគោលនយោបាយការពារនិយមរបស់រដ្ឋាភិបាលទេ ហើយមិនលក់ផលិតផលក្នុងតម្លៃទាបជាងទីផ្សារឡើយ » ។
ប្រសិនបើសហរដ្ឋអាមេរិកមានគម្រោងដាក់ពន្ធប្រឆាំងនឹងការលក់បែបនេះលើការនាំចេញរបស់វៀតណាម ដើម្បីការពារវិស័យនេសាទ និងដែកថែបក្នុងស្រុក អ្នកស្រី Lan និយាយថា ក្រុមហ៊ុនទាំងនោះគួរតែស្វែងរកទីផ្សារដទៃ ដើម្បីកាត់បន្ថយការពឹងផ្អែកលើទីផ្សារធំតែមួយ។ អ្នកស្រីថា ៖« យុទ្ធសាស្ត្រទីផ្សារលើសពី១នឹងធានាថា ការនាំចេញរបស់ប្រទេសវៀតណាមមានលំនឹង ហើយអាជីវកម្មនឹងមិនពឹងផ្អែកលើទីផ្សារណាមួយ»។
អ្នកស្រីបន្ថែមថា យុទ្ធសាស្ត្រអាជីវកម្មបែបនេះ នឹងជួយដល់ក្រុមហ៊ុនវៀតណាមអាចបន្តដំណើរការ និងចាប់យកនូវឱកាសថ្មីៗ ខណៈអាចនឹងមានសង្គ្រាមពាណិជ្ជកម្មកើតឡើង។ អ្នកស្រីក៏បានជំរុញក្រុមហ៊ុនក្នុងស្រុកឲ្យពង្រឹងសមត្ថភាព ដើម្បីទទួលបានអត្ថប្រយោជន៍ពីកិច្ចព្រមព្រៀងពាណិជ្ជកម្មសេរី ។
អ្នកស្រីអះអាងថា ក្រៅពីសហរដ្ឋអាមេរិក និងចិនហើយ ក្រុមហ៊ុនវៀតណាមគួរតែបង្កើនវត្តមានរបស់ខ្លួនក្នុងទីផ្សារដទៃដូចជា សហភាពអឺរ៉ុប ជាដើម ។ អ្នកស្រីថា ៖« គ្មាននរណាឈ្នះទេ ក្នុងសង្គ្រាមពាណិជ្ជកម្ម ។ សហរដ្ឋអាមេរិក និងចិន គឺជាដៃគូពាណិជ្ជកម្មធំជាងគេទាំង២របស់ប្រទេសវៀតណាម ហើយយើងត្រូវតែបង្កើនទំនាក់ទំនងពាណិជ្ជកម្មជាមួយទីផ្សារដទៃ ដើម្បីជំរុញសេដ្ឋកិច្ចជាតិ » ៕
ចែករំលែកព័តមាននេះ