រាជធានីភ្នំពេញ ៖ បុរសជនជាតិអង់គ្លេសម្នាក់ បានសម្ងំដាំកញ្ឆានៅក្នុងព្រៃខាងក្រោយផ្ទះរបស់ខ្លួន ដោយគ្មាននរណាបានដឹងទេសូម្បីតែអ្នកភូមិ ។ លុះពេលចុងក្រោយ ត្រូវបែកការណ៍ បន្ទាប់ពីពលរដ្ឋនៅក្នុងភូមិបាត់គោដើររកគ្រប់ទីកន្លែង តែមិនឃើញក៏បានចូលទៅរកនៅទីនោះ ស្រាប់តែប្រទះឃើញសុទ្ធតែដំណាំកញ្ឆា ទើបរាយការណ៍ជូននគរបាល ។
បន្ទាប់ពីទទួលបានដំណឹងនេះភ្លាម កម្លាំងសមត្ថកិច្ចម្រុះ១ក្រុម រួមមាននគរបាលខណ្ឌដង្កោ ដឹកនាំដោយលោកវរសេនីយ៍ឯក ជឹម ស៊ីថា អធិការនគរបាលខណ្ឌ និងកម្លាំងនគរបាលការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលដោយលោកព្រះរាជអាជ្ញារងអមអយ្យការសាលាដំបូងរាជធានីភ្នំពេញ បានចុះទៅបង្ក្រាប ដោយបានរកឃើញកញ្ឆាចំនួន៧៨ដើមក្នុងនោះកញ្ឆាទើបនិងដាំដុះចំនួន៥៣ដើម និងកញ្ឆាដែលល្មមអាចប្រើប្រាស់បានចំនួ២៥ដើម ហើយកម្លាំងនគរបាលបានចាប់ខ្លួនបុរសជនជាតិអង់គ្លេស ដែលជាម្ចាស់កញ្ឆានោះនាំទៅធ្វើការសាកសួរផងដែរ។
ប្រតិបត្តិការនេះ ធ្វើឡើកាលពីវេលាម៉ោង១១ព្រឹកថ្ងៃទី៣០ មីនា នៅក្នុងភូមិព្រែកប្រណាក សង្កាត់ជើង
ឯក ខណ្ឌដង្កោ រាជធានីភ្នំពេញ ។ បុរសជាជនជាតិអង់គ្លេសដែលជាអ្នកដាំកញ្ឆាខាងលើ ឈ្មោះ Brewer Wanyne អាយុ៥០ឆ្នាំ ស្នាក់នៅចំណុចកើតហេតុ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ