សហរដ្ឋអាមេរិក ៖ ឯកអគ្គរដ្ឋទូតអាមេរិកប្រចាំ អ.ស.ប លោកស្រីនីកគី ហាឡី កាលពីថ្ងៃទី២៨ មីនា ស្នើដល់ប្រទេសឯទៀតៗជាសមាជិកនៃអង្គការនេះឱ្យជួយចេញចំណែកប្រាក់កាន់តែច្រើនសម្រាប់ប្រតិបត្តិការថែរក្សាសន្តិភាពរបស់ អ.ស.ប…
សហរដ្ឋអាមេរិក ៖ ឯកអគ្គរដ្ឋទូតអាមេរិកប្រចាំ អ.ស.ប លោកស្រីនីកគី ហាឡី កាលពីថ្ងៃទី២៨ មីនា ស្នើដល់ប្រទេសឯទៀតៗជាសមាជិកនៃអង្គការនេះឱ្យជួយចេញចំណែកប្រាក់កាន់តែច្រើនសម្រាប់ប្រតិបត្តិការថែរក្សាសន្តិភាពរបស់ អ.ស.ប ។
លោកស្រីនីកគី ហាឡី ដែលធ្លាប់ចរចារួចហើយឱ្យមានការកាត់បន្ថយប្រាក់៦០០លានដុល្លារនៃមូលនិធិសម្រាប់កងទាហានមួកខៀវថ្លែងថា ប្រទេសតែមួយពុំត្រូវចំណាយប្រាក់តែឯងដល់១ភាគ៤នៃថវិកាថែរក្សាសន្តិភាព អ.ស.ប ឡើយ ហើយយើងចង់ឃើញដោយអត់ធ្មត់ ការជួយចេញថវិកាដោយសមាមាត្របំផុតក្នុងចំណោមប្រទេសឯទៀតៗជាសមាជិក អ.ស.ប ។ យើងទាំងអស់គ្នាសុទ្ធតែមានតួនាទី ហើយយើងទាំងអស់គ្នាត្រូវធ្វើការខិតខំប្រឹងប្រែងមួយ ។ បែបនេះបង្ហាញយ៉ាងច្បាស់ថាលោកស្រីមានបំណងឱ្យមានការកាត់បន្ថយថែមទៀតនូវប្រាក់វិភាគទានរបស់ក្រុងវ៉ាស៊ីនតោន ។
សហរដ្ឋអាមេរិកនៅតែជាអ្នកចេញច្រើនជាងគេថវិកាសម្រាប់ការថែរក្សាសន្តិភាពនោះ
បានសម្រេចជួយចេញ២៥% នៃថវិកាសរុបទល់នឹង២៨,៥%នាពេលបច្ចុប្បន្ន ។ ក្រោយ
ការចរចាគ្នាយ៉ាងលំបាកបំផុត ថវិកាឆ្នាំ២០១៧-២០១៨ សម្រាប់ប្រតិបត្តិការទាំងនេះត្រូវបានកំណត់ត្រឹម៦,៨ពាន់លានដុល្លារ ។
ចិនជាអ្នកចូលរួមវិភាគច្រើនទី២បន្ទាប់ពីអាមេរិក គឺចំនួន១០,២៥% បន្ទាប់មកជប៉ុន អាល្លឺម៉ង់ បារាំង អង់គ្លេស រុស្ស៊ី អ៊ីតាលី កាណាដា និងអេស្ប៉ាញ ៕
ចែករំលែកព័តមាននេះ