ការសម្រាលកូនតាមធម្មជាតិ គឺជាជម្រើសដ៏ល្អបំផុតសម្រាប់អ្នកម្តាយ និងទារក ប៉ុន្តែក្នុងករណីខ្លះ ការវះកាត់សម្រាល ក៏ជារឿងចាំបាច់ដែលអ្នកត្រូវធ្វើដែរ ។
ផលវិបាក និងគ្រោះថ្នាក់មួយចំនួន ដែលអាចកើតឡើងតាមរយៈការសម្រាលកូនដោយការវះកាត់ ។
១.ការវះកាត់មាត់ស្បូនត្រូវបានធ្វើ ហើយអ្នកនឹងត្រូវបានចាក់ថ្នាំស្ពឹក ។ ជួនកាលផលវិបាកធ្ងន់អាចបណ្តាលឲ្យអ្នកស្លាប់បាន ដោយសារការធ្លាក់ចុះនៃសម្ពាធឈាម ភ្លាមៗ។ បញ្ហាធំនោះ គឺម្តាយ ។ កូនដែលកើតពីម្តាយដែលចាក់ថ្នាំស្ពឹកបែបនេះ ក៏អាចនឹងខ្វះអុកស៊ីសែនសម្រាប់ដកដង្ហើមដែរ ។
២.ការវះកាត់នឹងបង្កើតជាស្នាមធំវែងមួយនៅលើពោះ និងស្បូនរបស់អ្នក ។ ពេលធ្វើការវះកាត់ អ្នកនឹងអាចហូរឈាមជាច្រើន ដែលពេលខ្លះ គ្រូពេទ្យត្រូវដាក់បញ្ចូលឈាមឲ្យអ្នកទៀតផង ដែលផ្ទុយពីការសម្រាលកូនតាមធម្មជាតិ គឺមានតែដំបៅទ្វារមាសតូចមួយប៉ុណ្ណោះ ។
៣.ការរួមភេទមិនសូវជាងាយស្រួលដូចការផ្តល់កំណើតតាមទ្វារមាសនោះទេ ហើយជារឿយៗ វាងាយនឹងឆ្លងមេរោគ និងជំងឺនានាជាងការសម្រាលកូនតាមធម្មជាតិ ។
៤.ការវះកាត់សម្រាលកូន ក៏អាចធ្វើឲ្យប៉ះពាល់ ឬខូចខាតដល់សរីរាង្គ ផ្សេងៗផងដែរ ដូចជា ពោះវៀន និងប្លោកនោមជាដើម ។
៥.ការវះកាត់នឹងធ្វើឲ្យអ្នកម្តាយឈឺក្រោយពេលសម្រាល និងត្រូវការរយៈពេលធូរស្រាលយូរជាងការផ្តល់កំណើតតាមទ្វារមាសរយៈពេល ៣ទៅ៥ថ្ងៃ ហើយពេលខ្លះ នៅតែមិនទាន់អាចដើរបានទៀតផង ។ ការបំបៅកូនដោយទឹកដោះម្តាយ ក៏មិនមែនជាការងាយស្រួលឡើយ ពីព្រោះម្តាយប្រហែលជាឈឺខ្លាំងបន្តិចហើយ ៕
ចែករំលែកព័តមាននេះ