សារព័ត៌មានរបស់ចិនផ្សាយកាលពីពេល ថ្មីៗកន្លងមកថា ជើងហោះហើរមួយពីសៀងហៃឆ្ពោះទៅញូវយ៉កបានចុះចតបន្ទាន់នៅឯអាកាសយានដ្ឋានអន្តរជាតិ«Anchorage» រដ្ឋអាឡាស្កា សហរដ្ឋអាមេរិក ។ បុគ្គលិកនៅលើយន្តហោះម្នាក់ឲ្យដឹងថា ស្ត្រីជនជាតិចិន អាយុ៦០ឆ្នាំម្នាក់មានអាការឈឺចាប់ និងពិបាកក្នុងការដកដង្ហើម…
សារព័ត៌មានរបស់ចិនផ្សាយកាលពីពេល ថ្មីៗកន្លងមកថា ជើងហោះហើរមួយពីសៀងហៃឆ្ពោះទៅញូវយ៉កបានចុះចតបន្ទាន់នៅឯអាកាសយានដ្ឋានអន្តរជាតិ«Anchorage» រដ្ឋអាឡាស្កា សហរដ្ឋអាមេរិក ។
បុគ្គលិកនៅលើយន្តហោះម្នាក់ឲ្យដឹងថា ស្ត្រីជនជាតិចិន អាយុ៦០ឆ្នាំម្នាក់មានអាការឈឺចាប់ និងពិបាកក្នុងការដកដង្ហើម ។ ឃើញដូច្នេះបុគ្គលិកបានយកអ្នកជំងឺដែលអង្គុយនៅលើកៅអីទៅដេកនៅកន្លែងរាបស្មើ និងមានគ្រូពេទ្យ២នាក់ដែលធ្វើដំណើរតាមយន្តហោះជួយថែទាំអ្នកជំងឺ ។ លុះ៣ម៉ោងក្រោយអ្នកជំងឺក៏កើតអាការកន្ត្រាក់ និងរឹងសាច់ដុំ ក្រោយពីឃើញស្ថានភាពបែបនេះកាពីទែនសម្រេចចិត្តចុះចតនៅអាកាសយានដ្ឋាននោះ ដោយបង្ហូរប្រេងចោលប្រហែល៣០តោន ដើម្បីឲ្យមានភាពប្រាកដនៅក្នុងចិត្តថា ចុះចតដោយសុវត្ថិភាព ។
ក្រោយពីចុះចតរួចបុគ្គលិកសង្គ្រោះបន្ទាន់បានជួយសង្គ្រោះភ្លាម បន្ទាប់មកយន្តហោះក៏ចាក់ប្រេង និងធ្វើដំណើរបន្តទៅញូវយ៉ក ហើយក៏មានរបាយការណ៍ថាអ្នកជំងឺបានចេញពីមន្ទីរពេទ្យដោយសុវត្ថិភាព ៕
ចែករំលែកព័តមាននេះ