លោកត្រាំ រង់ចាំទាំងអន្ទះសារជួបជាមួយលោកគីម ជុងអ៊ុន
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃឬទី២៨ មីនា ថា លោកត្រូវបានប្រធានាធិបតីចិន លោកស៊ី ជីនពីង…
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃឬទី២៨ មីនា ថា លោកត្រូវបានប្រធានាធិបតីចិន លោកស៊ី ជីនពីង…
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ ត្រាំ ថ្លែងកាលពីថ្ងៃឬទី២៨ មីនា ថា លោកត្រូវបានប្រធានាធិបតីចិន លោកស៊ី ជីនពីង ផ្តល់ព័ត៌មានប្រាប់លោកថា លោកគីម ជុងអ៊ុន ពិតជាអន្ទះសារចង់ជួបលោក ដែលនេះជាសញ្ញាថា ការជួបគ្នាកំពូលជាប្រវត្តិសាស្ត្ររវាងមេដឹកនាំទាំង២ពិតជាអាចកើតមាន ។
ក្រោយពាក្យចចាមអារ៉ាមរយៈពេល២ថ្ងៃក្រុងប៉េកាំងប្រកាសនាថ្ងៃទី២៨ មីនា ថា មេដឹកនាំកូរ៉េខាងជើងពិតជាមកកាន់រដ្ឋធានីចិន និងថា លោកបានជួបជាមួយប្រមុខរដ្ឋចិន ។ នេះជាការធ្វើដំណើរទៅបរទេសលើកដំបូងរបស់លោកគីម ជុងអ៊ុន ចាប់តាំងពីលោកឡើងកាន់អំណាចពីឆ្នាំ២០១១មក ។
តាម TWITTER ប្រធានាធិបតីអាមេរិកសរសេរថា លោកបានទទួលនាយប់មុននូវសារមួយរបស់ប្រធានាធិបតីចិន លោកស៊ី ជីនពីង ដែលនិយាយថា ការជួបគ្នារបស់លោកជាមួយលោកគីម ជុងអ៊ុន ពិតជាប្រព្រឹត្តទៅយ៉ាងល្អប្រសើរ និងថា លោកគីម ចង់ជួបខ្ញុំឆាប់ៗ ។ គួរឱ្យសោកស្តាយពេលរង់ចាំគេត្រូវរក្សាទុកការដាក់ទណ្ឌកម្ម និងការគាបសង្កត់ខ្លាំង ។ លោកត្រាំ ក៏អះអាងដែរថា ខ្ញុំរង់ចាំការជួបគ្នារបស់យើងដោយអន្ទះសារ ។ ជនលេខមួយកូរ៉េខាងជើងបានសន្យាប្រាប់ប្រធានាធិបតីចិនថា នឹងធ្វើការទៅរកការរំសាយនុយក្លេអ៊ែរនៅឧបទ្វីបកូរ៉េ ។
ទស្សនកិច្ចនេះត្រូវបានចាត់ទុកថាជាវិធីមួយសម្រាប់មេដឹកនាំកូរ៉េខាងជើងរៀបចំការជួបគ្នាកំពូលដែលគ្រោងធ្វើជាមួយកូរ៉េខាងត្បូង និងសហរដ្ឋអាមេរិកដែលអាចកើតមាននាខែឧសភា ។
លោកត្រាំ សរសេរតាម TWITTER ទៀតថា រយៈពេលច្រើនឆ្នាំ និងក្រោមប្រធានាធិបតីអាមេរិកជាច្រើនរូបគ្រប់គ្នានិយាយថា សន្តិភាព និងការរំសាយនុយក្លេអ៊ែរនៅឧបទ្វីបកូរ៉េមានលទ្ធភាពតិចបំផុត ។ បច្ចុប្បន្នអាចមានភ័ព្វវាសនាល្អដែលលោកគីម ជុងអ៊ុន នឹងធ្វើអ្វីដែលល្អសម្រាប់ប្រជាជនលោក និងសម្រាប់មនុស្សជាតិ ។
ទីភ្នាក់ងារព័ត៌មានកូរ៉េខាងត្បូង YONHAP បញ្ជាក់ថា លោកគីម ជុងអ៊ុន មកកាន់ប្រទេសចិនពីថ្ងៃទី២៥ មក២៨ មីនា អមដំណើរដោយភរិយាលោកស្រី RI SOL JU ។
លោកគីម ជុងអ៊ុន ថ្លែងទៅកាន់លោកស៊ី ជីនពីង ថា សភាពការណ៍នៅឧបទ្វីបកូរ៉េចាប់ផ្តើមមានការកែលម្អដោយសារការផ្តួចផ្តើមគំនិតរបស់ក្រុងព្យុងយ៉ាងដែលបានបញ្ជូនសំណើចរចាសន្តិភាពនានា ។ យើងបានបញ្ជាក់ជានិច្ចពីឆន្ទៈរបស់យើងឈានទៅរកការរំសាយនុយក្លេអ៊ែរនៅឧបទ្វីបកូរ៉េ ។
លោករំលឹកថានោះជាបំណងប្រាថ្នារបស់បិតាលោកគឺលោកគីម ជុងអ៊ីល ។ លោកអះអាងពីឆន្ទៈបើកចំហទៅរកការចរចាជាមួយសហរដ្ឋអាមេរិក និងរៀបចំការជួបគ្នាកំពូលមួយរវាងប្រទេសទាំង២ ។ លោកបន្តថា ជម្លោះទាក់ទិននឹងបញ្ហានុយក្លេអ៊ែរនៅឧបទ្វីបកូរ៉េអាចដោះស្រាយបានប្រសិនបើកូរ៉េខាងត្បូង និងសហរដ្ឋអាមេរិកបង្ហាញពីសុឆន្ទៈដើម្បីឆ្លើយតបចំពោះបណ្តាការខិតខំប្រឹងប្រែងរបស់យើងបង្កើតបរិយាកាសមួយដែលអនុគ្រោះដល់ស្ថេរភាព ហើយបង្កើតសន្តិភាព ។
ទោះបីជាទីភ្នាក់ងារព័ត៌មានចិនស៊ីនហួចាត់ទុកទស្សនកិច្ចនេះរបស់លោកគីម ជុងអ៊ុន នៅក្រុងប៉េកាំងថាជាទស្សនកិច្ចក្រៅផ្លូវការមួយក្តី តែវាមានលំនាំបែបទស្សនកិច្ចផ្លូវរដ្ឋ ខណៈពិធីជប់លៀងមួយត្រូវបានរៀបចំធ្វើជាពិសេសដោយលោកស៊ី ជីនពីង ជូនជាកិត្តិយសដល់ភ្ញៀវកូរ៉េខាងជើង ៕
ចែករំលែកព័តមាននេះ