រាជធានីភ្នំពេញ ៖ បុរសម្នាក់ស្រវឹងស្រាបើករថយន្តបុករថយន្តតាកូម៉ាដឹកសាឡុងខូចខាតខ្លួនឯងយ៉ានធ្ងន់ធ្ងរ បង្កឲ្យមានការភ្ញាក់ផ្អើលកាលពីវេលាម៉ោង១០យប់ ថ្ងៃទី២៨ ខែមីនា ឆ្នាំ២០១៨ តាមបណ្ដាយផ្លូវ២០០៤ ហៅ(ម៉ៃដា) ដែលស្ថិតនៅភូមិត្រពាំងល្វា…
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តបុករថយន្តតាកូម៉ាដឹកសាឡុងខូចខាតខ្លួនឯងយ៉ានធ្ងន់ធ្ងរ បង្កឲ្យមានការភ្ញាក់ផ្អើលកាលពីវេលាម៉ោង១០យប់ ថ្ងៃទី២៨ ខែមីនា ឆ្នាំ២០១៨ តាមបណ្ដាយផ្លូវ២០០៤ ហៅ(ម៉ៃដា) ដែលស្ថិតនៅភូមិត្រពាំងល្វា សង្កាត់កាកាប១ ខណ្ឌពោធិ៍សែនជ័យ ។ រថយន្តបង្ករងការខូចខាតខ្លាំងម៉ាកតាកូម៉ា ពណ៌ស ពាក់ផ្លាកលេខ ភ្នំពេញ ១AE-៩៧២៦ បើកក្នុងទិសដៅជើងទៅត្បូង ។ រថយន្តរងគ្រោះមិនខូចខាតជារថយន្តអាត្រាក់ទ័រ ម៉ាករេស័រ បើកក្នុងទិសដៅស្របគ្នា ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសម្នាក់បើករថយន្តម៉ាកតាកូម៉ាដឹកសាឡុងគ្រឿងសង្ហារិមបើករថយន្តបើកយ៉ាងលឿន ក្នុងទិសដៅពីជើងទៅត្បូងក្នុងល្បឿនលឿន ហើយបានជ្រុលទៅបុករថយន្តអាត្រាក់ទ័រ ម៉ាករេស័រ កំពង់បើកតិចៗពីក្រោយពេញទំហឹង បណ្ដាលឲ្យខូចខាតយ៉ាងធ្ងន់ធ្ងរ និងបណ្ដាលឲ្យរថយន្តតាកូម៉ាដឹកសាឡុងខាងលើ បើកទៅមុខមិនរួចនៅឈប់កណ្ដាលផ្លូវ ។
ប្រភពបានបន្តទៀតថា ពេលភ្លាមៗរថយន្តអាត្រាក់ទ័រ ម៉ាករេស័រ ខាងលើមិនបានឈប់ បានបើកបន្តល្បឿនទៅមុខដោយខ្ចិលនិយាយជាមួយរថយន្តតាកូម៉ាដឹកសាឡុងខាងលើ បន្ទាប់មកតៃកុងរថយន្តតាកូម៉ាដឹកសាឡុងបានចុះពីលើរថយន្តហើយឡើងម៉ូតូឌុបទៅកាក់រថយន្តរេស័រខាងលើឲ្យឈប់ដើម្បីដោះស្រាយគ្នាសិន ។ បន្ទាប់មកទៀត កម្លាំងនគរបាលប៉ុស្តិ៍កាកាប១ បានមកអន្តរាគមន៍ ហើយនិយាយប្រាប់ហេតុផល បុកគេពីក្រោយខុសហើយ ខាងរថយន្តរេស័រ សុំទៅរៀងខ្លួនព្រមអត់ រថយន្តបង្កដែលរងគ្រោះនិយាយទាំងស្រវឹងស្រាថា មិនព្រមទេចាំហៅនគបាលស័ក្តិ៤មកជួយអន្តរាគមន៍សិន លុះចាំជាងមួយម៉ោងដោយមានកម្លាំងអន្តរាគមន៍មាន២ម៉ូតូគ្រឿងបានមកសម្របសម្រួលភ្លាមៗផងដែរ ។
ក្រោយពេលកើតហេតុ នគរបាលសក្ដិ៤ និងកម្លាំងអន្តរាគមន៍មកបានដល់ភ្លាមដោយឃើញភាគីរថយន្តបង្ករងការខូចខាតខ្លាំង ហើយក្នុងស្ថានភាពស្រវឹងជោកផងនោះ បាននិយាយទៅកាន់រថយន្តរងគ្រោះដែលមិនខូចខាតថា ធ្វើម៉េចបើគាត់ខុសមែនហើយ រថយន្តគាត់ខូចខាតច្រើនជួយសំណងខ្លះមក ពេលនោះខាងរថយន្តតាកូម៉ាដឹកសាឡុង សុំសំណងចំនួន១៥០ដុល្លារ ហើយភារីរថយន្តរេស័រសងចំនួន២០០ដុល្លារបញ្ចប់នៅកន្លែងកើតហេតុ ៕
ចែករំលែកព័តមាននេះ