អូស្ត្រាលី ៖ តាមប្រភពព័ត៌មាន Metro បានឲ្យដឹងថា បុរសម្នាក់ដែលវិស្វករមេកានិចជនជាតិអូស្ត្រាលី អះអាវថា បានរកឃើញសពរបស់យន្តហោះម៉ាឡេស៊ី MH370 ដែលបានបាត់សូន្យគ្មានដំណឹងតាំងពីឆ្នាំ២០១៤។
ដោយសម្អាងលើការប្រើប្រាស់ Google Maps និង រូបភាពបានពី NASA លោក Peter McMahon អាយុ៦៤ឆ្នាំ ជឿជាក់ថា សពរបស់យន្តហោះ MH370 គឺស្ថិតនៅភាគខាងត្បូងនៃកោះ Round Island ជិតប្រទេស Mauritius ដែលជាកន្លែងមួយដែលកាលនោះគេមិនទាន់បានទៅរុករកនៅទីនោះ។
តាមរយៈរូបនោះ លោកថា វាជារូបបង្ហាញពីកន្ទុយ និងស្លាបរបស់យន្តហោះ អណ្តែតនៅលើមហាសមុទ្រ។ លោកក៏បានផ្ញើការរកឃើញរបស់លោក ទៅកាន់ការិយាល័យដឹកជញ្ជូន និងសុវត្ថិភាពអូស្ត្រាលីដែលនៅទីនោះគេគិតថា វាអាចនឹងយន្តហោះនោះពិតមែន។
គួរបញ្ជាក់ផងដែរថា យន្តហោះ MH370 ដែលហោះចេញពីម៉ាឡេស៊ីទៅកាន់ប៉េកាំង បានបាត់ខ្លួនជាមួយនឹងអ្នកដំណើរលើនោះ២៣៩នាក់ និងអ្នកធ្វើការលើយន្តផ្សេងទៀត កាលពីថ្ងៃទី៨ ខែមិនា ឆ្នាំ២០១៤។ ពេលនោះអូស្ត្រាលី ចិន និងម៉ាឡេស៊ី បានចេញជះលុយ ១១៥លានផោន នៅខែមករា ឆ្នាំ២០១៧ ដើម្បីរុករក តែរកមិនឃើញ។ តើការរកឃើញរបស់លោក Peter អាចជាការពិត១០០%ដែរឬទេ?
ចែករំលែកព័តមាននេះ