ប្រទេសស៊ីរី ៖ ដកស្រង់ប្រភពក្រសួងការពារប្រទេសរុស្ស៊ី ទីភ្នាក់ងារព័ត៌មាន TASS រាយការណ៍ថា មនុស្ស២៧នាក់ស្លាប់ ហើយ៥៨នាក់ទៀតរងរបួសកាលពីថ្ងៃទី២៧ មីនា នៅក្រុងដាម៉ាស់ដោយសារគ្រាប់កាំភ្លើងត្បាល់ទាំងឡាយបាញ់ចេញពីបណ្តាតំបន់ឧទ្ទាមនៅជាយរដ្ឋធានីស៊ីរី…
ប្រទេសស៊ីរី ៖ ដកស្រង់ប្រភពក្រសួងការពារប្រទេសរុស្ស៊ី ទីភ្នាក់ងារព័ត៌មាន TASS រាយការណ៍ថា មនុស្ស២៧នាក់ស្លាប់ ហើយ៥៨នាក់ទៀតរងរបួសកាលពីថ្ងៃទី២៧ មីនា នៅក្រុងដាម៉ាស់ដោយសារគ្រាប់កាំភ្លើងត្បាល់ទាំងឡាយបាញ់ចេញពីបណ្តាតំបន់ឧទ្ទាមនៅជាយរដ្ឋធានីស៊ីរី ។
ការបាញ់ផ្លោងដាក់ក្រុងដាម៉ាស់កើតមាន ខណៈកងទ័ពស៊ីរីជួយទ្រទ្រង់ដោយកងយន្តហោះរុស្ស៊ីកំពុងឈានទៅដណ្តើមត្រួតត្រាតំបន់ GHOUTA ខាងកើតក្បែរក្រុងដាម៉ាស់ទាំងមូល ។
ការជម្លៀសពួកឧទ្ទាមចេញនៅបន្តនាថ្ងៃទី២៧ មីនា ខណៈទីតាំងនៅសល់តែមួយគត់របស់ពួកបះបោរនៅ GHOUTA ខាងកើតគឺក្រុងឌូម៉ា កាន់កាប់ដោយក្រុមឧទ្ទាម DJAICH AL ISLAM នៅបន្តក្រាញទប់ទល់ជាមួយកងទ័ពស៊ីរី ។
ក្រុមបះបោរអ៊ិស្លាមនិយម២បានយល់ព្រមជម្លៀសចេញពីបណ្តាទីតាំងពួកគេនៅ GHOUTA ខាងកើតហើយ ។
សរុបមនុស្សជាង១៧.០០០នាក់ ក្នុងនោះមានពួកយុទ្ធជនឧទ្ទាម ព្រមទាំងគ្រួសារពួកគេលាយជនស៊ីវិលឯទៀតៗផងដែរ បានចាកចេញពី GHOUTA ខាងកើតរួចហើយ ទៅកាន់ភាគពាយ័ព្យប្រទេសគឺខេត្តអុីដលីបជាដែនដីពួកឧទ្ទាម ។
របបលោកបាចាអាល់អាសាដ និងសម្ព័ន្ធមិត្តរុស្ស៊ីហាក់ដូចចាប់បង្ខំឱ្យមានកិច្ចព្រមព្រៀងជម្លៀសចេញពីទីក្រុងឌូម៉ាដែរ បើពុំដូច្នោះទេនឹងត្រូវប្រើកម្លាំង ៕
ចែករំលែកព័តមាននេះ