ខេត្តកំពង់ឆ្នាំង ៖ សមត្ថកិច្ចនគរបាលស្រុកបរិបូណ៍សហការជាមួយនគរបាលការិយាល័យប្រឆាំងគ្រឿងញៀនខេត្ត កាលពីវេលាម៉ោង៣និង៣០នាទីរសៀលថ្ងៃទី២៧ ខែមិនា ឆ្នាំ២០១៨ បានប្រតិបត្តិការបង្គ្រាបករណីចែកចាយ និងប្រើប្រាស់គ្រឿងញៀន ដោយឃាត់ខ្លួនមនុស្ស៥នាក់ នៅភូមិក្បាលថ្នល់ ឃុំផ្សារស្រុកបរិបូណ៍ ខេត្តកំពង់ឆ្នាំង ។
តាមការឲ្យដឹងពីសមត្ថកិច្ចនគរបាលស្រុកបរិបូរណ៌បានឲ្យដឹងថា ដោយមានសេចក្តីរាយការពីប្រជាពលរដ្ឋ ស្តីពីសកម្មភាពលួចចែកចាយ និងប្រើប្រាស់គ្រឿងញៀន នៅចំណុចខាងលើ សមត្ថកិច្ចនគរបាលប៉ុស្តិ៍ ផ្សារ នគរបាល ស្រុកបរិបូរណ៌ បានសហការគ្នាចុះបង្ក្រាបករណីចែកចាយ និងប្រើប្រាស់គ្រឿងញៀន ទាំងនោះ ដោយឃាត់ខ្លួនបានមនុស្ស ចំនួន៥នាក់ ក្នុងនោះមាន ១ – ឈ្មោះ ហួរ សុធន់ អាយុ២៨ឆ្នាំ ជាមេក្លោងចែកចាយថ្នាំញៀន ២-ឈ្មោះ វ៉ាន់ វិសី អាយុ២៤ឆ្នាំ ៣ – ឈ្មោះ ផៃ សុក អាយុ១៧ឆ្នាំ ៤ – ឈ្មោះ ឡុច មករា អាយុ២៥ឆ្នាំ និង ៥- ឈ្មោះ ចិក ព្លែត អាយុ១៧ឆ្នាំ ។
ក្រោយការចាប់ខ្លួនសមត្ថកិច្ច ដកហូតបានថ្នាំញៀន ៤កញ្ជប់ ជញ្ជីងថ្លឹងថ្នាំ១ និងរថយន្តបែនដឹកដី១គ្រឿង ជារបស់ឈ្មោះ ហូរ សុធន់ ដែលជាមេក្លោងជិះធ្វើសកម្មភាពចែកចាយ ។ ជនសង្ស័យរួម និងវត្ថុតាងត្រូវបានសមត្ថកិច្ចនគរបាលខេត្ត កសាង សំណុំរឿងបញ្ជូនទៅតុលាការ ដើម្បីចាត់ការតាមច្បាប់ ៕
ចែករំលែកព័តមាននេះ