រាជធានីភ្នំពេញ ៖ ដោយឃើញពីការគោរពតាមលក្ខណៈច្បាប់ក្នុងប្រទេសកម្ពុជា ដែលមានចែងជាធរមានរួចហើយ ក្រសួងមហាផ្ទៃបានប្រកាសទទួលស្គាល់ចុះបញ្ជីជាផ្លូវការគណបក្សខ្មែរ តែរួមរបស់ប្អូនប្រុសលោក បណ្ឌិតកែម ឡីជាស្ថារពហើយ ។
យោងតាមសេចក្តីប្រកាសព័ត៌មានរបស់ក្រសួងមហាផ្ទៃចុះថ្ងៃទី២៧ ខែមីនា ឆ្នាំ២០១៨ ស្តីពីការចុះបញ្ជីគណបក្សនយោបាយបានឲ្យដឹងថា ក្រសួងមហាផ្ទៃបានចុះឈ្មោះ គណបក្សខ្មែរតែមួយដែលសរសេរអក្សកាត់ (គ.ខ.ម) ដែលមានអាសយដ្ឋាននៃទីស្នាក់ការកណ្តាល ផ្លូវលេខ២១១ សង្កាត់វាលវង់ ខណ្ឌ៧មករា រាជធានីភ្នំពេញ ក្នុងបញ្ជីគ ណបក្សនយោបាយនៅក្រសួងមហាផ្ទៃ ។
ក្រសួងមហាផ្ទៃក៏បានបញ្ជាក់ថា «គណបក្សខ្មែរតែមួយដែលលោកកែម រិទ្ធិសិត ប្រធានគណបក្សត្រូវធ្វើសកម្មភាពស្របតាមច្បាប់ស្តីពីគណបក្សនយោបាយលិខិតប ទដ្ឋានគតិយុត្តិនានាជាធរមាន និងលក្ខន្តិកៈរបស់គណបក្សដែលបានតម្កល់ទុកនៅក្នុងក្រសួងមហាផ្ទៃ» ។
ទាក់ទិននឹងការបង្កើតគណបក្សខ្មែរតែមួយនេះដែរ លោក គុជ លី អនុប្រធានទី១ និង ជាអ្នកនាំពាក្យគណបក្សនៅថ្ងៃទី២៧ ខែមីនាកន្លងមក ក៏បានសរសេរលិខិតមូយច្បាប់ ទៅលោក សម រង្ស៊ី ប្រធានចលនាសង្គ្រោះជាតិ និងលោកស្រី មូរ សុខហួរ អតីតអនុប្រធានគណបក្សសង្គ្រោះជាតិ មកចូលរួមជាមួយគណបក្សខ្មែរតែមួយផងដែរ ។
លោកបញ្ជាក់ថា «ខ្ញុំចាទ គុជ លី សូមអរគុណលោកសម រង្ស៊ី បានចាប់អារម្មណ៍លើគណបក្សខ្មែរតែមួយដែលជាកូនគណបក្សថ្មីនេះ បានកើតចេញពីការរៀនសូត្រពីលោកសម រង្ស៊ី និងលោកកឹម សុខា ពីព្រោះលោកទាំងពីរជាលោកគ្រូនយោបាយដ៏ល្អសម្រាប់ខ្ញុំបាទជាអ្នកនយោបាយខ្មែរម្នាក់បន្តវេន» ។
ជាមួយគ្នានោះដែរលោកគុជ លី ក៏បានប្រកាសគាំទ្រធ្វើសកម្មភាពចលនាសង្គ្រោះ ជាតិរបស់លោកសម រង្ស៊ី និងបានអំពាវនាវដល់អ្នកគាំទ្រ និងសកម្មជនអតីតសង្គ្រោះ ជាតិទាំងក្នុង និងក្រៅប្រទេសមកចូលរួមជាមួយគណបក្សខ្មែរតែមួយផងដែរ ។
សូមជម្រាបថា គណបក្សខ្មែរតែមួយរបស់លោក កែម រិទ្ធិសិត មុនដំបូងឡើយមាន ឈ្មោះគណបក្សកែម ឡី ប៉ុន្តែក្រសួងមហាផ្ទៃមិនអនុញ្ញាតឲ្យប្រើប្រាស់ឈ្មោះ គណបក្សកែម ឡី នោះទេ ដោយមិនស្របទៅតាមច្បាប់ស្តីពីគណបក្សនយោបាយ ។
គណបក្សខ្មែរតែមួយបានកំណត់គោលនយោបាយ១០ចំណុចសម្រាប់ចូលរូមការបោះ ឆ្នោតសកលនីតិកាលទី៦ នៃរដ្ឋសភាឆ្នាំ២០១៨ នៅថ្ងៃទី២៩ ខែកក្កដា ឆ្នាំ២០១៨ រួមមាន ៖ ទី១- គោលដៅរួម ៖ ត្រូវបានកំណត់ និងជ្រើសរើសយកទស្សនាទានល្អរបស់លោកបណ្ឌិត កែម ឡី ។ ទី២ – បេសកម្មរួម ៖ ត្រូវបន្តដំណើរទៅមុខជានិច្ច ដើម្បីឲ្យ លោក កែម ឡី និងក្លាយទៅជាការពិត ។ ទី៣ – ភារតភាព ៖ លើកទឹកចិត្តដល់ប្រជាពលរដ្ឋខ្មែរគ្រប់រូបត្រូវចង់ចាំខ្លួនជាខ្មែរ ទោះបីជាកើត និងរស់នៅទីណាក៏ខ្លូននៅជាខ្មែរ មានកាតព្វកិច្ច និងមានសិទ្ធិទទួលបានផលប្រយោជន៍ពីកេរ្តិ៍មរតកនៃមាតុភូមិកម្ពុជា ស្មើៗគ្នា និងដូចគ្នា ។ ការឲ្យតម្លៃប្រជាពលរដ្ឋខ្មែរ គឺជាក្តីសុខសាន្តរវាងខ្មែរនឹងខ្មែរ ស្របតាមបណ្តាំដូនតាខ្មែរយើងផ្តាំ «ខ្មែរសាមគ្គី ខ្មែររស់បែកបាក់សាមគ្គីខ្មែរស្លាប់» ។ ទី៤ – សុវត្ថិភាពចំណីអាហារ ៖ ត្រូវពង្រឹង និងចាត់វិធានការតាមច្បាប់ ដើម្បីទប់ស្កាត់ចំណីអាហារដែលមានជាតិគីមីនាំចូលពីបរទេស ។ ទី៥ – គ្រឿងញៀនជាសត្រូវនៃសេចក្តីសុខសាន្តសម្រាប់គ្រួសារយើង ដូច្នេះត្រូវពង្រឹង និងចាត់វិធានការតាមច្បាប់ ដើម្បីស្វែងរកអ្នកលក់ និងអ្នកប្រើប្រាស់ ។ ទី៦ – កសិកម្ម ៖ ប្រជាពលរដ្ឋប្រមាណពី៦៥% ទៅ៧០%ប្រកបមុខរបជាកសិកម្មតាមបែបប្រពៃណី ។ ដើម្បីលើកស្ទួយជីវភាពប្រជាកសិករត្រូវបង្កើតទីផ្សារទិញផលិតផលរបស់ប្រជាពលរដ្ឋក្នុងតម្លៃសមស្របតាមទីផ្សារ និងបែងចែកដីកសិកម្មដល់គ្រួសារកសិករ តាមរយៈគោលនយោបាយសម្បទាន ស ង្គមកិច្ចរបស់រដ្ឋធានាឲ្យកសិករមានដីគ្រប់គ្រាន់សម្រាប់ប្រកបរបកសិកម្ម ។
ទី៧ – បង្កើតការងារ ៖ ទទួលខុសត្រូវដល់យុវជន យុវនារីមានការងារធ្វើ ក្រោយពីបានបញ្ចប់ការសិក្សា និងជំនាញវិជ្ជាជីវៈរបស់ខ្លួន ។ ទី៨ – សេវាសាធារណៈ ៖ ការផ្តល់លិខិតស្នាមរដ្ឋបាលផ្សេងៗ និងអត្រានុកូលដ្ឋានជូនប្រជាពលរដ្ឋខ្មែរដោយមិនគិតថ្លៃ មិនរើសអើង និងមិនប្រកាន់បក្សពូកនិយមជាដាច់ខាត់ ។ ទី៩- តុលាការ ៖ ត្រូវកំណែទម្រង់ស្ថាប័នតុលាការដោយឲ្យតម្លៃខ្លួនឯករាជ្យភាព តម្លាភាព សុចរិតភាព និងយុត្តិធម៌ពិតប្រាកដ ដើម្បីឲ្យមនុស្សទាំងអស់ត្រូវមានជំនឿរយ៉ាងមុតមាំនូវលើរាល់ទង្វើសុចរិតដោយរដ្ឋធានាយ៉ាងម៉ើងម៉ាត់បំផុត ។ និងទី១០-សាសនា ៖ គណបក្សខ្មែរតែមួយ(គ.ខ.ម) មិនរើសអើយប្រកាន់សាសនាមួយណាទេ ប៉ុន្តែគណបក្សនឹងពង្រឹងព្រះពុទ្ធសាសនាជាអាទិភាព ពីព្រោះវាជាសាសនារបស់ជាតិ ៕
ចែករំលែកព័តមាននេះ