ហ្សកហ្ស៊ី ៖ តាមប្រភពព័ត៌មាន Oddity Central បានឲ្យដឹងថា ស្ត្រីម្នាក់ត្រូវបានប៉ូលិសចាប់ខ្លួនដោយសារតែមានបំណងបង្កគ្រោះថ្នាក់ចរាចរណ៍ដោយចេតនា និងមិនខ្វល់ពីកូនៗនៅជិះជាមួយ។
នៅក្នុងវីដេអូកាមេរ៉ាសុវត្ថិភាពលើផ្លូវ បានបង្ហាញឲ្យឃើញពីស្ត្រីម្នាក់អាយុ២៥ឆ្នាំ Bakari Warren បើកបរលើផ្លូវ Peachtree Industrial ក្រុង Gwinnett ប្រទេសហ្សកហ្ស៊ី បុកជាមួយនឹងបង្គោលស៊ីម៉ង់។ កូនរបស់នាងពីរនាក់ អាយុ៥ឆ្នាំ និង៧ឆ្នាំ កំពុងអង្គុយនៅកៅអីខាងក្រោយ។ សំណាងល្អណាស់ ដែលពួកគេទាំងអស់គ្នាមិនមានរបួសអ្វីធំដុំ។
អ្វីដែលគួរឲ្យហួសចិត្តនោះ គឺនាងធ្វើបែបនេះដោយសារតែចង់ដឹងថា «ព្រះពិតជាមានមែនដែរឬអត់? បើមានមែនពិត តើលោកនឹងជួយនាងទេ?» វាហាក់បីដូចជាមិនគួរឲ្យជឿមែន តែពេលប៉ូលិសសាកសួរកូនរបស់នាង ពួកគេក៏និយាយបែបនេះដែរ។
នៅពេលនេះ តុលាការចោទប្រកាន់នាងពីរឿងធ្វើបាបក្មេង (កូនរបស់នាង) ដោយឲ្យនាងបង់ប្រាក់ធានានៅក្រៅឃុំតម្លៃ ២២.០០០ដុល្លាអាមេរិក។ ចំពោះកូនទាំងពីរនាក់របស់នាងវិញ គឺត្រូវបានយាយតាយកទៅចិញ្ចឹម៕
ប្រភពវីដេអូពី ChasinDatPaperMedia ៖
ចែករំលែកព័តមាននេះ