រាជធានីភ្នំពេញ ៖ សម្តេចពិជ័យសេនាទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិបានលើកឡើងថា អ្នកដែលរត់ទៅពួនសម្ងំរកសុខតែរៀងខ្លួន ក្នុងប្រទេសមានសង្គ្រាម បែរជាមកតាំងខ្លួនជាអ្នកស្នេហាជាតិទៅវិញ ។…
រាជធានីភ្នំពេញ ៖ សម្តេចពិជ័យសេនាទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិបានលើកឡើងថា អ្នកដែលរត់ទៅពួនសម្ងំរកសុខតែរៀងខ្លួន ក្នុងប្រទេសមានសង្គ្រាម បែរជាមកតាំងខ្លួនជាអ្នកស្នេហាជាតិទៅវិញ ។ ការលើកឡើងរបស់សម្តេចប្រមុខក្រសួងការពារជាតិកម្ពុជា បន្ទាប់ពីឃើញសកម្មភាពរបស់ក្រុមអតីតបក្សប្រឆាំងមួយចំនួន បានតាំងខ្លួនជាអ្នកស្នេហាជាតិ ដោយខ្លួនឯងមិនបានជួយដល់ជាតិផងនោះ ពិសេសគ្រាមានសង្គ្រាមក្នុងប្រទេសអស់រយៈពេលជាច្រើនឆ្នាំកន្លងមក ។
សម្តេចពិជ័យសេនាទៀ បាញ់ បានសរសេរលើបណ្តាញសង្គម នៅថ្ងៃទី២៧ មីនា ឆ្នាំ២០១៨យ៉ាងដូច្នេះថា ក្នុងគ្រាសង្គ្រាម មនុស្សមួយចំនួនដែលតាំងខ្លួនជាអ្នកស្នេហាជាតិ បានរត់ចាកចោលប្រទេស ទៅពួនសម្ងំយកសុខតែរៀងខ្លួន ទុកឲ្យប្រជាពលរដ្ឋខ្មែររាប់លាននាក់ រួមទាំងវីរជនរបស់យើងធ្វើការតស៊ូរើបម្រះរហូតទទួលបានសុខសន្តិភាព និងរស់នៅដោយភាពសប្បាយរុងរឿងមកដល់បច្ចុប្បន្ន ។
សម្តេចបានបញ្ជាក់ថា៖ «រឿងដែលខ្ញុំគិតមិនយល់នោះ គឺអ្នកដែលបានរត់ទៅសម្ងំសុខតែរៀងខ្លួននាពេលកលិយុគ បែរជាមកតាំងខ្លួនជាអ្នកស្នេហាជាតិ និងចង់សង្គ្រោះជាតិក្នុងគ្រាប្រទេសកំពុងមានសន្តិភាពទៅវិញ» ។
សូមជម្រាបថា ការលើកឡើងរបស់ប្រមុខក្រសួងការពារជាតិ បន្ទាប់ពីអតីតប្រធានគណបក្សសង្គ្រោះជាតិមានលោកសម រង្ស៊ី ដែលកំពុងរស់នៅក្រៅប្រទេសគេចពីអំណាចតុលាការក្រុងភ្នំពេញ លោកកឹម សុខា ដែលកំពុងជាប់ពន្ធនាគារ និងបក្ខពួកមួយចំនួនទៀតបានអះអាងថា ខ្លួនជាអ្នកសេ្នហាជាតិ ទាំងអ្នកខ្លះមិនបានចូលរួមរំដោះជាតិក្នុងសម័យសង្គ្រាមផងនោះ ៕
ចែករំលែកព័តមាននេះ