ខេត្តបាត់ដំបង ៖ ការចុះសួរសុខទុក្ខរបស់ប្រតិភូអភិបាលនៃគណអភិបាលខេត្តបាត់ដំបងដល់នាយទាហាន នាយទាហានរង ពលទាហាន និងដាក់ឲ្យប្រើប្រាស់ផ្លូវក្រាលកៅស៊ូប្រវែង៦២០ម៉ែត្រ ដែលជាអំណោយរបស់សម្តេចក្រឡាហោម ស ខេង ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នៅទីបញ្ជាការកងពលតូចថ្មើរជើងលេខ៥២ ស្ថិតនៅឃុំផ្លូវមាស ស្រុករតនមណ្ឌល ខេត្តបាត់ដំបងវេលាព្រឹកថ្ងៃទី២៨ ខែមីនា ឆ្នាំ២០១៨ ដែលដឹកនាំដផយលោក ងួន រតនះ គណអភិបាលខេត្តបាត់ដំបង លោកខាន់ ម៉ាណេរ ទីប្រឹក្សាសម្តេចក្រឡាហោម ស ខេង និងជាប្រធានមន្ទីរសាធារណការដឹកជញ្ជូនខេត្តបាត់ដំបងព្រមទាំងសប្បុរសជនក្នុងខេត្តមានកងរាជអាវុធហត្ថ អង្គភាពអគ្គីសនី ជលផល និងមេព្រៃ បានាំយកអំណោយទៅចែកជូនដល់ទាហានចំនួន៥០០នាក់នៅក្នុងកងពលថ្មើរជើងលេខ៥២ ដែលកំពុងឈរជើងនៅទីនោះ ។
លោកឧត្តមសេនីយ៍ទោ ម៉ី សឹង្ហន មេបញ្ជាការកងពល បានមានមតិស្វាគមន៍និងលើឡើងពីសកម្មភាពកងទ័ពដែលបានឈរជើងនៅទីនេះគឺបានពង្រឹងផ្នែកហ្វឹកហ្វឺន បង្ករបង្កើនផល ចិញ្ចឹមសត្វសម្រាប់ជួយទ្រទ្រង់ជីវភាពកងទ័ព បន្ទាប់ពីបានរក្សាសុខសន្តិភាពតាមព្រំដែន និងរួមគ្នាការពារសណ្តាប់ធ្នាប់ក្នុងសង្គមរួចមក យើងនៅតែរក្សាការពាររាល់បញ្ហាណាដែលកើតមានភាពវឹកវរច្របូកច្របល់ដល់សង្គមជាតិ និងរំខានដល់ប្រជាពលរដ្ឋមានការភ័យខ្លាចមិនឲ្យកើតមាននៅតំបន់នេះឡើយ ។
បន្ទាប់មកលោក ងួន រតនះ អភិបាលខេត្តបាត់ដំបងបានថ្លែងថា ក្នុងនាមអាជ្ញាធរខេត្តសូមគាំទ្រពាក្យស្លោកថា ស៊ូបង្ហូរញើសក្នុងទីលានហ្វឹកហាត់ ប្រសើរជាងបង្ហូរឈាមគ្នាក្នុងសមរភូមិ ដែលប្រទេសយើងទទួលបានសុខសន្តិភាពប្រមាណជិត២០ឆ្នាំមកហើយនេះគឺមានការលំបាកណាស់ ពិសេសបងប្អូនកងទ័ពយើងដែលបានជួយការពាររក្សាបានកន្លងមកនោះគឺតាមគោលនយោបាយដឹកនាំដែលមានសម្តេចតេជោ ហ៊ុន សែនជានាយករដ្ឋមន្ត្រីបានជំរុញឲ្យកើតមានប្រព័ន្ឋផ្លូវថ្នល់ខ្វាត់ខ្វែងក្នុងភូមិ ឃុំ ពិសេសផ្លូវជាតិលេខ៥ដ៏សំខាន់សម្រាប់តភ្ជាប់វិស័យសេដ្ឋកិច្ចក្នុងអាស៊ាន ដែលបានភ្ជាប់ពីប្រទេសថៃកាត់តាមកម្ពុជាក្នុងខេត្តបាត់ដំបងយើងនេះបន្តតាមផ្លូវជាតិលេខ១ ឆ្លងកាត់ស្ពានអ្នកលឿងឆ្ពោះទៅប្រទេសវៀតណាមបន្តទៅទៀត និងផ្លូវលេខ៥៥ ចាក់កៅស៊ូហើយស្រេចពីស្រុករតនមណ្ឌល់ឆ្ពោះទៅព្រំដែនថៃ១ខ្សែទៀតទៅច្រក៤០០ក្នុងស្រុកសំឡូតប្រវែង៥១គីឡូម៉ែត្របានធ្វើរួចរាល់ត្រៀងបើកឲ្យប្រើប្រាស់មុនពេលចូលឆ្នាំខ្មែរខាងមុខនេះក្រោមអធិបតីភាពសម្តេចតេជោហ៊ុន សែនផងដែរ ហើយក៏មានការរីកដុះដាលលើអាគារមន្ទីរពេទ្យ សាលារៀន វត្តអារាម សំខាន់អាងទប់ទឹកសេកសកអាចផ្ទុកទឹកបានចំនួនជា២០០លានម៉ែត្រគូបពង្រឹងវិស័យកសិកម្មសម្រាប់យកទឹកឲ្យប្រជាពលរដ្ឋបានធ្វើស្រែចំការច្រើនរដូវបន្ថែមទៀតទៅតាមតម្រូវការ ៕
ចែករំលែកព័តមាននេះ