រាជធានីភ្នំពេញ ៖ ស្ថាបនិកនៃគណបក្សខ្មែរតែមួយនិងជាអនុប្រធានគណបក្សលោក គុជ លី បានប្រាប់កោះសន្តិភាពកាលពីរសៀលថ្ងៃទី២៨ ខែមីនាឆ្នាំ២០១៨ ថា គណបក្សរបស់លោកនឹងធ្វើសមាជបក្សលើកដំបូងនៅថ្ងៃទី៨ ខែមេសា…
រាជធានីភ្នំពេញ ៖ ស្ថាបនិកនៃគណបក្សខ្មែរតែមួយនិងជាអនុប្រធានគណបក្សលោក គុជ លី បានប្រាប់កោះសន្តិភាពកាលពីរសៀលថ្ងៃទី២៨ ខែមីនាឆ្នាំ២០១៨ ថា គណបក្សរបស់លោកនឹងធ្វើសមាជបក្សលើកដំបូងនៅថ្ងៃទី៨ ខែមេសា ឆ្នាំ២០១៨ នៅខេត្តតាកែវ ទីដែលសពលោកកែម ឡីត្រូវបានគេបញ្ចុះនៅទីនោះ។
ក្រសួងមហាផ្ទៃកាលពីថ្ងៃទី២៧ ខែមីនា ឆ្នាំ២០១៨ បានប្រកាសទទួលស្គាល់ «គណបក្សខ្មែរតែមួយ» ដោយចុះបញ្ជីផ្លូវការគណបក្សដែលទើបបានចាប់កំណើតនេះជាមួយក្រសួង ។
ក្រសួងមហាផ្ទៃក៏បានបញ្ជាក់ថា ទៅកាន់គណបក្សខ្មែរតែមួយថា គណបក្សមួយនេះអាចធ្វើសកម្មភាពនយោបាយបាន តែត្រូវគោរពតាមច្បាប់ស្តីពីគណបក្សនយោបាយដែលមានកំណត់ជាធរមាន ។ លោកគុជ លីបានបញ្ជាក់ថា គណបក្សរបស់លោកនឹងដាក់បេក្ខជនឈរឈ្មោះបោះឆ្នោតទួទៅប្រទេស២៥ រាជធានីខេត្ត ។
លោកបន្តថា ៖ «យើងបានរៀបចំបាន១០ខេត្តក្រុងហើយ ។ យើងនឹងដាក់បេក្ខជនរបស់យើងនៅទូទាំងប្រទេសកម្ពុជា» សម្រាប់ការបោះឆ្នោតជ្រើសតាំងសមាជិកសភាអាណត្តិ៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ២០១៨ ខាងមុខ ។ គណបក្សខ្មែរតែមួយលោក កែម រិទ្ធិសិត ជាប្រធាន លោកស្រី ឃី ម៉េងលីន អនុប្រធាន លោកគុជ លីជាអនុប្រធាន និងអ្នកនាំពាក្យ ៕
ចែករំលែកព័តមាននេះ