រដ្ឋមន្ត្រីប៉ាគីស្ថានម្នាក់ទទួលបន្ទុកជនជាតិភាគតិច លោក Shahbaz Bhatti ត្រូវបានប្រកាសថា ស្លាប់ក្រោយពីត្រូវបាញ់ប្រហារដោយខ្មាន់កាំភ្លើងមិនស្គាល់អត្តសញ្ញាណនៅក្នុងទីក្រុងអ៊ីស្លាម៉ាបាដ កាលពីព្រឹកថ្ងៃទី២ មីនា ។ ទូរទស្សន៍ក្នុងស្រុកបានដកស្រង់ប្រភពមន្ទីរពេទ្យដែលនិយាយថា លោក Shahbaz Bhatti បានទទួលមរណភាពនៅមន្ទីរពេទ្យក្នុងស្រុកដោយសាររងរបួសធ្ងន់ធ្ងរ ។
តាមប្រភពព័ត៌មានថា ការបាញ់ប្រហារលោក Shahbaz កើតឡើងនៅវេលាម៉ោងប្រហែល១១និង១៥នាទី នៅពេលលោក ធ្វើដំណើរចេញពីភូមិគ្រិះរបស់លោកទៅកន្លែងធ្វើការ ។ ខ្មាន់កាំភ្លើងបាញ់រះទៅលើរថយន្តរបស់លោកតែម្តង ។
សាក្សីនិយាយថា ខ្មាន់កាំភ្លើងនោះមានគ្នា២នាក់ ជិះរថយន្តមួយគ្រឿង បើកឈប់ពីមុខរថយន្តរបស់លោក Shahbaz រួចប្រើកាំភ្លើងយន្តបាញ់សំដៅលោក ក្រោយមកបើករថយន្តរត់គេចខ្លួនបាត់ ។
ក្រោយពីរងការបាញ់ប្រហារលោក Shahbaz ត្រូេះបាននាំទៅជួយសង្គ្រោះនៅមន្ទីរពេទ្យមួយស្ថិតនៅក្បែរនោះ ប៉ុន្តែលោកទទួលមរណភាពក្រោយពីទៅដល់មន្ទីរពេទ្យដោយសារស្ថានភាពរបួសធ្ងន់ធ្ងរពេក ៕
ចែករំលែកព័តមាននេះ