វៀតណាមពង្រឹងកិច្ចសហប្រតិបត្តិការវិស័យកសិកម្ម
ទីក្រុងហាណូយ ៖ រដ្ឋមន្ត្រីកសិកម្ម និងអភិវឌ្ឍន៍ជនបទ លោក Nguyen Xuan Cuong បានធ្វើទស្សនកិច្ចទៅកាន់ប្រទេសបែលហ្ស៊ិក និងសហភាពអឺរ៉ុប…
ទីក្រុងហាណូយ ៖ រដ្ឋមន្ត្រីកសិកម្ម និងអភិវឌ្ឍន៍ជនបទ លោក Nguyen Xuan Cuong បានធ្វើទស្សនកិច្ចទៅកាន់ប្រទេសបែលហ្ស៊ិក និងសហភាពអឺរ៉ុប…
ទីក្រុងហាណូយ ៖ រដ្ឋមន្ត្រីកសិកម្ម និងអភិវឌ្ឍន៍ជនបទ លោក Nguyen Xuan Cuong បានធ្វើទស្សនកិច្ចទៅកាន់ប្រទេសបែលហ្ស៊ិក និងសហភាពអឺរ៉ុប (EU) កាលពីសប្តាហ៍មុន ដើម្បីលើកតម្កើងកិច្ចសហប្រតិបត្តិការក្នុងវិស័យកសិកម្មជាមួយដៃគូទាំងពីរ ។
នៅថ្ងៃអាទិត្យដែលជាថ្ងៃចុងក្រោយនៃដំណើរទស្សនកិច្ចនេះ លោករដ្ឋមន្ត្រីកសិកម្មបានបង្ហាញពីកិច្ចខិតខំប្រឹងប្រែងរបស់ប្រទេសវៀតណាមប្រឆាំងនឹងការនេសាទខុសច្បាប់ មិនរាយការណ៍ និងមិននៅក្រោមនិយ័តកម្ម (IUU) ផងដែរ ។
រដ្ឋមន្ត្រីកសិកម្មរូបនេះបានជំរុញដល់សហភាពអឺរ៉ុបឲ្យដកកាតលឿង ដែលបានដាក់លើប្រទេសវៀតណាមកាលពីថ្ងៃទី២៣ ខែតុលា ឆ្នាំ២០១៧កន្លងមក ព្រោះប្រទេសនេះមិនអាចទប់ស្កាត់ការនេសាទខុសច្បាប់ ។
ក្នុងកិច្ចប្រជុំជាមួយលោក Karmanu Vella ប្រធានគណៈកម្មាធិការទទួលបន្ទុកផ្នែកបរិស្ថាន កិច្ចការផ្លូវសមុទ្រ និងការនេសាទរបស់អឺរ៉ុប លោក Cuong បានប្រាប់ពីការអនុម័តយុទ្ធសាស្ត្រប្រឆាំងនឹងការនេសាទខុសច្បាប់ ក្នុងប្រទេសវៀតណាម តាមការណែនាំរបស់សហភាពអឺរ៉ុប និងបង្ហាញពីកិច្ចខិតខំប្រឹងប្រែងរបស់ប្រទេសជាតិទាំងមូល ព្រមទាំងឧបសគ្គដែលបានជួបប្រទះ ជាដើម ។
លោក Cuong បានបង្ហាញក្តីសង្ឃឹមក្នុងការធ្វើឲ្យកិច្ចសហប្រតិបត្តិការរវាងប្រទេសវៀតណាម និងសហភាពអឺរ៉ុបកាន់តែប្រសើរឡើង ដោយប្រឆាំងនឹងការនេសាទខុសច្បាប់ និងអាចបន្តកិច្ចព្រមព្រៀងដៃគូស្ម័គ្រចិត្ត ។
ក្នុងកិច្ចប្រជុំមួយទៀតជាមួយលោក Phil Hogan ប្រធានគណៈកម្មាធិការទទួលបន្ទុកផ្នែកកសិកម្ម និងអភិវឌ្ឍន៍ជនបទ លោក Cuong បានលើកឡើងពីតួនាទីដ៏សំខាន់របស់សហភាពអឺរ៉ុប ក្នុងវិស័យកសិកម្មរបស់ប្រទេសវៀតណាម សម្រាប់ការវិនិយោគ និងផ្ទេរចំណេះដឹងបច្ចេកវិទ្យា ។
លោក Cuong ជំរុញឲ្យភាគីទាំងសងខាងផ្តល់សច្ចានុម័តលើកិច្ចព្រមព្រៀងពាណិជ្ជកម្មសេរីសហភាពអឺរ៉ុប និងវៀតណាម ដើម្បីជំរុញការធ្វើពាណិជ្ជកម្ម ជាពិសេស វិស័យនេសាទ និងរុក្ខាប្រមាញ់ ។
នៅទីក្រុងព្រុចសែល លោក Cuong បានជួបជាមួយរដ្ឋមន្ត្រីកសិកម្មប្រទេសបែលហ្ស៊ិក លោក Denis Ducarme ដើម្បីជំរុញកិច្ចសហប្រតិបត្តិការក្នុងវិស័យកសិកម្ម ។
រដ្ឋមន្ត្រីទាំងពីរបានព្រមព្រៀងថា នឹងលើក តម្កើងកិច្ចសហប្រតិបត្តិការវិនិយោគក្នុងវិស័យកសិកម្ម ។
លោក Ducarme បាននិយាយថា ៖ «ប្រទេសបែលហ្ស៊ិកផ្តល់អាទិភាពដល់កិច្ចសហប្រតិបត្តិការជាមួយវៀតណាម និងជឿជាក់ថា កិច្ចសហការទ្វេភាគីក្នុងវិស័យនេះនឹងកើនឡើងនាពេលអនាគត » ៕
ចែករំលែកព័តមាននេះ