រាជធានីភ្នំពេញ ៖ រដ្ឋបាលនៃសាលាដំបូងរាជធានីភ្នំពេញបានអនុញ្ញាតតាមការស្នើសុំរបស់លោក យូ ស៊ានហេង អគ្គលេខាធិការគណបក្សភ្លើងទៀន ក្នុងការរៀបចំប្រារព្ធពិធីបង្សុកូល ដើម្បីឧទ្ធិសកុសលដល់ជនរងគ្រោះ ដែលបានបាត់បង់ជីវិត ក្នុងករណីគប់គ្រាប់បែកនៅមុខរដ្ឋសភាចាស់កាលពីថ្ងៃទី៣០…
រាជធានីភ្នំពេញ ៖ រដ្ឋបាលនៃសាលាដំបូងរាជធានីភ្នំពេញបានអនុញ្ញាតតាមការស្នើសុំរបស់លោក យូ ស៊ានហេង អគ្គលេខាធិការគណបក្សភ្លើងទៀន ក្នុងការរៀបចំប្រារព្ធពិធីបង្សុកូល ដើម្បីឧទ្ធិសកុសលដល់ជនរងគ្រោះ ដែលបានបាត់បង់ជីវិត ក្នុងករណីគប់គ្រាប់បែកនៅមុខរដ្ឋសភាចាស់កាលពីថ្ងៃទី៣០ ខែមីនា ឆ្នាំ១៩៩៧ ។
យោងតាមលិខិតរបស់រដ្ឋបាលសាលារាជធានីភ្នំពេញចុះថ្ងៃទី២៦ ខែមីនា បានបញ្ជាក់ថា៖ «អនុញ្ញាតឲ្យគណបក្សភ្លើងទៀន រៀបចំពិធីបង្សុកូលតាមការស្នើសុំ ដែលមានមនុស្ស១០០នាក់ ចូលរួម និងព្រះសង្ឃ៧អង្គ» ។ រដ្ឋបាលសាលារាជធានីបានលើកឡើងថា៖ «កិច្ចការពារសន្តិសុខ សុវត្ថិភាពក្នុងអង្គពិធីម្ចាស់សំណើត្រូវទទួលខុសត្រូវទាំងស្រុង សមត្ថកិច្ចទទួលខុសត្រូវ ការពារសន្តិសុខផ្នែកខាងក្រៅ នៅក្នុងករណីមានជនសង្ស័យត្រូវរាយការណ៍ជូនសមត្ថកិច្ច ដើម្បីចាត់ការទាន់ពេលវេលា» ។
គួរបញ្ជាក់់ថា កាលពីថ្ងៃទី៣០ ខែមីនា ១៩៩៧ មានការបោកគ្រាប់បែកទៅលើក្រុមបាតុករដឹកនាំដោយលោកសម រង្ស៊ី អតីតប្រធានគណបក្សជាតិខ្មែរ បានបណ្តាលបាតុករស្លាប់ចំនួន ១៦នាក់ និងរបួសធ្ងន់ស្រាលប្រមាណ១៥០នាក់ផ្សេងទៀត ក្នុងហេតុការណ៍នោះ ៕
ចែករំលែកព័តមាននេះ