រាជធានីភ្នំពេញ ៖ ប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសឲ្យដឹងនៅព្រឹកថ្ងៃទី២៨ ខែមីនា ឆ្នាំ២០១៨នេះថា រថយន្តក្រុងសាធារណៈនឹងនៅតែធ្វើសកម្មភាពនៅថ្ងៃបុណ្យចូលឆ្នាំខ្មែរប្រពៃណីជាតិ នាពេលខ្លីខាងមុខនេះ…
រាជធានីភ្នំពេញ ៖ ប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសឲ្យដឹងនៅព្រឹកថ្ងៃទី២៨ ខែមីនា ឆ្នាំ២០១៨នេះថា រថយន្តក្រុងសាធារណៈនឹងនៅតែធ្វើសកម្មភាពនៅថ្ងៃបុណ្យចូលឆ្នាំខ្មែរប្រពៃណីជាតិ នាពេលខ្លីខាងមុខនេះ ជាពិសេសេនោះមហាជនទូទៅមិនមែនត្រឹមតែកម្មករ-កម្មការិនីរោងចក្រនោះទេ គឺនឹងអនុញ្ញាតិជិះឡានក្រុងសាធារណៈដោយមិនគិតថ្លៃ ។
ថ្លែងនៅក្នុងពិធីជួបសំណេះសំណាលជាមួយកម្មករ-កម្មការិនីប្រមាណ១៤,៦៤៩នាក់ មកពីរោងចក្រសហគ្រាសចំនួន២៣ នៅតំបន់ព្រៃទា ក្នុងខណ្ឌពោធិ៍សែនជ័យ រាជធានីភ្នំពេញ សម្តេចតេជោ ហ៊ុន សែន ក៏បានអំពាវនាវឲ្យម្ចាស់ឡានតាក់ស៊ីទាំងអស់ «សូមមេត្តាកុំតម្លើងថ្លៃ»នាឱកាសបុណ្យចូលឆ្នាំខ្មែរ ។ សម្តេចនាយករដ្ឋមន្ត្រីក៏បានបញ្ជាក់ថា បើនិយាយពីចំណូលកម្មករ-កម្មការិនីយើងវិញ គិតប្រាក់ឈ្នួលអប្បបរមា១៧០ដុល្លារអាមេរិក អញ្ចឹងបើគិតអំពីចំនួននេះបូកនឹងចំនួនប្រាក់ដទៃទៀត ដែលជាអត្ថប្រយោជន៍កម្មករ-កម្មការិនីទទួលបាន គឺមានចំនួនជាង២០០ដុល្លារអាមេរិកក្នុងមួយខែ ។
សម្តេច ហ៊ុន សែន បានបន្តថា ៖ «អញ្ចឹងទេក្នុងមួយឆ្នាំក្មួយៗអាចទទួលបានដល់ជាង២០០០ ដុល្លារសហរដ្ឋអាមេរិក នៅក្នុងពេលដែលនៅលើពិភពលោកនេះ គេបានកំណត់អត្រានៃភាពក្រីក្រដែលកាលពីពេលមុន គេបានកំណត់ត្រឹមថា រកបាន១ដុល្លារឡើងលើឆ្លងផុតបន្ទាត់ភាពក្រីក្រ ។ ការកំណត់ឡើងវិញ គឺរកបានចំណូល ១.២៥ ដុល្លារឡើងលើឆ្លងផុតបន្ទាត់ភាពក្រីក្រ « ប៉ុន្តែតាមរយៈនៃប្រាក់ចំណូលអប្បបរមា និងប្រាក់បៀរវត្សអប្បបរមារបស់ក្មួយៗ គឺកម្មករ-កម្មការិនីរកប្រាក់បានជាង៦ដុល្លារសហរដ្ឋអាមេរិកក្នុងមួយថ្ងៃ ។
ដូច្នេះបានសេចក្តីថាយើងបានចេញឆ្ងាយ ។ សម្រាប់អ្នកដែលធ្វើការនៅក្នុងវិស័យឧស្សាហកម្ម គឺយើងបានចេញឆ្ងាយអំពីចំណុចដែលជាបន្ទាត់នៃអត្រាភាពក្រីក្រ ។ ហើយនៅប្រទេសយើងចំនួនអ្នកមានការងារធ្វើ គឺមានច្រើន មានតែអ្នកខ្លះអត់ចង់ធ្វើការទេ ហើយថា អត់ការងារធ្វើ»៕
ចែករំលែកព័តមាននេះ