អាមេរិក ៖ តាមប្រភពព័ត៌មាន Metro បានឲ្យដឹងថា ក្មេងស្រីម្នាក់អាយុ៣ឆ្នាំ ត្រូវបានបញ្ជូនទៅមន្ទីរពេទ្យភ្លាមៗ ក្រោយមានប្រតិកម្មលើផ្ទៃមុខដោយសារតែគ្រឿងផាត់មុខដែលម្តាយនាងទិញឲ្យ។
Kylie Craven មកពី Georgetown រដ្ឋ Illinois ទិញគ្រឿងផាត់មុខសម្រាប់ក្មេងលេងមកពីផ្សារមកឲ្យកូនរបស់នាងឈ្មោះ Lydia លេងសប្បាយកំដរអផ្សុក។ ក្នុងរយៈពេលតែមួយថ្ងៃសោះ Lydia ក៏ឡើងកន្ទួលពងបែកពេញមុខ និងភ្នែកឡើងហើមយ៉ាងខ្លាំង។ ដោយឃើញដូចនេះ Kylie ក៏នាំកូនស្រីទៅមន្ទីរពេទ្យជាបន្ទាន់។
Kylie ដែលចង់ឲ្យកូនស្អាតខុសរបៀប បានប្រាប់ថា ត្រឹមតែរយៈពេល២៤ម៉ោងក្នុងការប្រើប្រាស់ប៉ុណ្ណោះ កូនរបស់នាងដែលធ្លាប់តែស្អាត ក្លាយទៅជាមុខមើលមិនយល់ទៅវិញ។ នាងក៏ប្រាប់ទៀតថា «សូមប្រុងប្រយ័ត្ននូវអ្វីដែលកូនក្មេងៗរបស់អ្នកមាននៅខ្លួន ជាពិសេសគឺគ្រឿងផាត់មុខ។ សូមកុំឲ្យរឿងដូចកូនខ្ញុំ កើតលើគ្រួសារអ្នក»។
អស់រយៈពេលមួយសប្តាហ៍ក្រោយពេលចូលពេទ្យ Lydia បានធូរច្រើនហើយ។ តែគេកំពុងតែរងចាំឲ្យមុខរបស់នាងបាត់ស្នាកស្នាមជាមុនសិន៕
ចែករំលែកព័តមាននេះ