ប្រតិកម្មថ្នាំ កើតឡើងនៅពេលដែលអ្នកមានប្រតិកម្មយ៉ាងអាក្រក់ទៅនឹងថ្នាំដែលអ្នកបានប្រើ ។ ប្រព័ន្ធភាពស៊ាំរាងកាយរបស់អ្នកប្រឆាំងត្រឡប់មកវិញ ដែលរៀបចំឲ្យមានប្រតិកម្មជំទាស់ ។ ប្រតិកម្មថ្នាំភាគច្រើនមានលក្ខណ:ស្រាល ហើយរោគសញ្ញា និងបាត់ទៅវិញក្នុងរយៈពេលពីរបីថ្ងៃបន្ទាប់ពីអ្នកឈប់ប្រើថ្នាំនោះ ។ ប៉ុន្ដែក៏មានប្រតិកម្មថ្នាំមួយចំនួន អាចមានលក្ខណ:ធ្ងន់ខ្លាំងផងដែរ ។ ការប្រតិកម្មថ្នាំនឹងបាត់ទៅវិញជាមួយនឹងពេលវេលា ។ ប៉ុន្ដែបន្ទាប់ពីអ្នកមានប្រតិកម្មទៅនឹងថ្នាំ អ្នកប្រហែលនឹងតែងតែមានប្រតិកម្មទំនាស់ទៅនឹងថ្នាំនោះ ។ អ្នកក៏អាចនឹងមានប្រតិកម្មទៅនឹងថ្នាំដទៃផ្សេងទៀត ដែលមានលក្ខណ:ដូចគ្នាជាមួយនឹងវា ។ ប្រតិកម្មថ្នាំ គឺជាប្រភេទមួយនៃការមានប្រតិកម្មដ៏គ្រោះថ្នាក់ និងអាក្រក់ ។ មានការប្រតិកម្មថ្នាំប្រភេទ ផ្សេងៗគ្នា ដូចច្នោះរោគសញ្ញា និងការព្យាបាលក៏ផ្សេងគ្នាផងដែរ ។
តើអ្វីទៅជារោគសញ្ញានៃប្រតិកម្មថ្នាំ?
រោគសញ្ញានៃប្រតិកម្មថ្នាំអាចមានលក្ខណ:ពីស្រាលទៅធ្ងន់ ។ ភាគច្រើនវាអាចលេចឡើង ក្នុងរយៈពេល១ទៅ៧២ម៉ោង ។ ពួកវារួមមាន៖
•កន្ទួលក្រហម ឬពងបែក ។ ទាំងនេះគឺជារោគសញ្ញាជាទូទៅបំផុតនៃប្រតិកម្មថ្នាំ
•ក្អក ដកដង្ហើមមានលឺសូរ ហៀរសម្បោរ និងមានការពិបាកដកដង្ហើម
•គ្រុនក្តៅ
•លក្ខខណ:ស្បែកដ៏ធ្ងន់ដែលធ្វើឱ្យ ស្បែកមានពងបែក ។ បញ្ហានេះត្រូវបានគេហៅថាToxic necrolysis epidermal ហើយវាអាចស្លាប់ ប្រសិនបើវាមិនត្រូវបានព្យាបាល
•Anaphylaxis ដែលជាប្រតិកម្មដ៏គ្រោះថ្នាក់បំផុត ។ វាអាចធ្វើអោយស្លាប់ ហើយអ្នកនឹងត្រូវការកាសង្គ្រោះបន្ទាន់ ។ រោគសញ្ញាដូចជាកន្ទួលក្រហម និងមានការពិបាកដក ដង្ហើមជាធម្មតាវាលេចឡើងក្នុងរយៈពេល១ម៉ោងបន្ទាប់ពីអ្នកលេបថ្នាំ ។ បើគ្មានការថែទាំសង្គ្រោះបន្ទាន់អ្នកនឹងអាចស្លាប់បាន ៕
ចែករំលែកព័តមាននេះ