កំពុងតែហោះ ក៏ឮស្នូរយ៉ាងខ្លាំង អ្នកដំណើរភ័យបះសក់
ប្រទេសបារាំង ៖ យន្តហោះមួយគ្រឿងរបស់ក្រុមហ៊ុន HOP ! AIR FRANCE កាលពីយប់ថ្ងៃទី២៥ មីនា ពេលកំពុងហោះហើរ…
ប្រទេសបារាំង ៖ យន្តហោះមួយគ្រឿងរបស់ក្រុមហ៊ុន HOP ! AIR FRANCE កាលពីយប់ថ្ងៃទី២៥ មីនា ពេលកំពុងហោះហើរ…
ប្រទេសបារាំង ៖ យន្តហោះមួយគ្រឿងរបស់ក្រុមហ៊ុន HOP ! AIR FRANCE កាលពីយប់ថ្ងៃទី២៥ មីនា ពេលកំពុងហោះហើរ ស្រាប់តែឮស្នូរយ៉ាងខ្លាំងមួយ ហើយអ្នកបើកយន្តហោះនេះនិយាយពីការបុកប៉ះក្ងានមួយក្បាល ឬដុំទឹកកកមួយនាំឱ្យអ្នកដំណើរ៤៨នាក់
ជិះក្នុងនោះភ័យបះសក់ ។ ទោះបីយ៉ាងណា យន្តហោះនេះអាចចុះចតដោយគ្មានបញ្ហា រួចការស៊ើបអង្កេតមួយត្រូវបើកធ្វើ ។
ពេលចុះចត គេពិនិត្យឃើញទំហំធំនៃការខូចខាត ។ យន្តហោះធុន ATR 42 នេះហោះហើររវាងក្រុងប៉ារីស និងក្រុង AURILLAC ភាគកណ្តាលបារាំង រួចពិតជាសំណាងគ្រាន់តែភ័យវាអាចចុះដោយគ្មានបញ្ហា ។ ដោយសារការប៉ះទង្គិចខ្លាំងពេលកំពុងហោះហើរ បន្ទះមួយរបស់យន្តហោះត្រូវបានរកឃើញដូចការបង្ហាញក្នុងរូបភាពទាំងឡាយបង្ហោះតាមបណ្តាញសង្គម ។
ស្ត្រីអ្នកដំណើរម្នាក់លោកស្រី LYDIE RIBES ថ្លែងប្រាប់ទូរទស្សន៍ FRANCE-3 ថា យន្តហោះហោះជាមួយប្រហោងមួយដែលនាំឱ្យយើងភ័យត្រជាក់ខ្នង ។ ទោះបែបនេះក្តី យន្តហោះអាចចុះចតធម្មតា ហើយជើងហោះហើរត្រឡប់វិញរវាងក្រុង AURILLAC និងក្រុងប៉ារីសត្រូវលុបចោលនាព្រឹកថ្ងៃទី២៦ មីនា ។ កាសែតតំបន់ LA MONTAGNE អះអាងថា ឧប្បត្តិហេតុប្រភេទនេះពុំធ្លាប់ជួបប្រទះឡើយ មកទល់ពេលនេះ ។ ក្រុមហ៊ុន
អាកាសចរណ៍នេះយល់ថា បន្ទះមួយរបស់យន្តហោះអាចដាច់ធ្លាក់ពេលបើកទម្លាក់កង់៕
ចែករំលែកព័តមាននេះ