(តចប់)
ស្រក់ទឹកភ្នែកគ្រាត្រឡប់មកស្រុកកំណើតលើកដំបូង
ក្រោយរបបខ្មែរក្រហម ប្រទេសកម្ពុជាខ្ទេចខ្ទាំ ប្រែប្រួលអស់ទៅហើយ ចំពោះការព្រាត់ប្រាសគ្នាកើតមានស្ទើរគ្រប់បុគ្គល គ្រប់ក្រុមគ្រួសារ ។ សម្រាប់អ្នកស្រីវីរៈ តារា ពេលត្រឡប់មកមាតុភូមិជាលើដំបូង អ្នកស្រីស្លុតចិត្តណាស់ ដ្បិតគ្មានបងប្អូន កូនក្មួយ មិត្តភក្តិ…មកទទួល គឺខុសពីពេលមុន ។ ភាពកណ្តោចកណ្តែងកើតឡើងក្នុងចិត្តអ្នកស្រីវីរៈ តារា ។
ពេលទទួលទានអាហារ អ្នកស្រីវីរៈ តារា នឹកស្រណោះខ្លួនដ្បិតគ្មានភាពអ៊ូអរ ភាពរីករាយពីការជួបជុំជាមួយមិត្តភក្តិ បានត្រឹមតែស្រមៃឃើញស្រមោលពួកគេមកទទួលទានជាមួយគ្នាប៉ុណ្ណោះ ។ ដោយអារម្មណ៍ស្រណោះស្រណោកនោះ អ្នកស្រីវីរៈ តារា អួលដើមក ហូរទឹកភ្នែកយំអួលអាក់ដោយពុំដឹងខ្លួន ។
បន្ទាប់ពីលើកដំបូងនោះ អ្នកស្រីវីរៈ តារា មកលេងស្រុកខ្មែរច្រើនដងទៀត ។ នៅភ្នំពេញឃើញរោងភាពយន្តសល់ពីជំនាន់មុនធ្លាប់ចាក់បញ្ចាំងខ្សែរឿងដែលខ្លួនសម្តែងនោះ អ្នកស្រីវីរៈ តារា នឹកស្រណោះដល់អតីតកាល ។ អតីតតារាសម្តែងរូបនេះនឹកដល់ជំនាន់ខ្លួននៅជាតារាសម្តែងមានរោងភាពយន្តច្រើន និងមានខ្សែភាពយន្តខ្មែរបញ្ចាំងព្រោងព្រាត ។
យូរៗម្តងចាក់មើលខ្សែភាពយន្ត ចាស់ៗ
ដោយរំភើបចិត្តចំពោះស្នាដៃភាពយន្តដែលខ្លួនធ្លាប់សម្តែងគ្រានៅវ័យក្មេង មានរូបឆោមស្រស់សោភា យូរៗម្តងអ្នកស្រីវីរៈ តារា ចាក់បញ្ចាំងខ្សែភាពយន្តទាំងនោះ ដូចជារឿង «អនអើយស្រីអន» ជាដើម ទស្សនាជាមួយ ក្មេងៗ។ រាល់តែលើកទស្សនាខ្សែភាពយន្តទាំងនោះ អ្នកស្រីវីរៈ តារា នឹកស្រណោះអនុស្សាវរីយ៍ពេលចេញទៅថតជាមួយតួអង្គ និងក្រុមការងារ ផ្សេងៗ ។ លើសពីនេះ នឹកឃើញពេលខ្សែភាពយន្តចាក់បញ្ចាំងបានសប្បាយរីករាយជាមួយគ្នា ។
វ័យចំណាស់នៅប្រាថ្នាចូលរួមសម្តែង
ឈាមជ័រ និស្ស័យជាអ្នកសម្តែងភាពយន្ត ក្នុងវ័យចំណាស់អ្នកស្រីវីរៈ តារា នៅតែមានចំណង់ចំណូលចិត្ត និងប្រាថ្នាចូលរួមសម្តែងក្នុងតំណែងជាតួអង្គទៅតាមវ័យរបស់ខ្លួន។
មានផលិតកម្មមួយចំនួនចង់បានអ្នកស្រីវីរៈ តារា ចូលរួមសម្តែងដែរ ប៉ុន្តែអ្នកស្រីមិនទាន់អាចផ្តល់ឱកាសជូនបាន ។ អ្នកស្រីវីរៈ តារា មានចិត្តចង់ចូលរួមសម្តែង ប៉ុន្តែពេលវេលាមិនអំណោយផល ព្រោះអ្នកស្រីរវល់ពេក ។ ចូលរួមសម្តែងភាពយន្ត យ៉ាងហោចណាស់ចំណាយពេលបីទៅបួនខែដែរ ដូច្នេះអ្នកស្រីវីរៈ តារា មិនមានពេលទេ ។
អ្នកស្រីវីរៈ តារា នៅគុំទុកក្នុងចិត្ត នឹងចូលរួមសម្តែងភាពយន្តនៅពេលណាមួយ ក្រោយពីខកខានអស់រយៈពេលជាច្រើនឆ្នាំ ។
ជីវិតក្នុងវ័យចំណាស់
តាំងតែពីចាកចេញពីស្រុកកំណើតគេចពីរបបខ្មែរក្រហមទៅរស់នៅប្រទេសបារាំង រហូតដល់ឆ្នាំ២០១៨ អ្នកស្រីវីរៈ តារា នៅតែរស់នៅទីនោះដដែល ។
ទៅតាមពេលវេលាអ្នកស្រីវីរៈ តារា ឈានចូលវ័យចំណាស់ ប៉ុន្តែរូបឆោមនៅស្រស់ស្អាតបែបវ័យចំណាស់ ។
ខ្សែភាពយន្តរឿង «អនអើយស្រីអន», «ពុទ្ធិសែននាងកង្រី», «សព្វសិទ្ធិ»…តាំងតែពីមុនមក និងបន្តទៅទៀត នៅតែរំឭកទស្សនិកជនពីអ្នកស្រីវីរៈ តារា ៕
នេះជាភាគីទី01
ខ្សែជីវិតអ្នកស្រីវីរៈ តារា តួឯករឿង «អនអើយស្រីអន»
នេះជាភាគទី02
ខ្សែជីវិតអ្នកស្រីវីរៈ តារា តួឯករឿង «អនអើយស្រីអន»
នេះជាភាគទី03
https://kohsantepheapdaily.com.kh/article/614657.html
ចែករំលែកព័តមាននេះ