ខេត្តមណ្ឌលគិរី ៖ បុរសម្នាក់ត្រូវបានសមត្ថកិច្ចស្រុកកែវសីមា ឃាត់ខ្លួនដើម្បីកសាងសំណុំរឿងក្រោយសមត្ថកិច្ចទទួលពាក្យបណ្តឹងពីគ្រួសារក្មេងស្រីម្នាក់ចោតប្រកាន់ពីបទរំលោភ ដែលការឃាត់ខ្លួននេះបានធ្វើឡើងនៅល្ងាចថ្ងៃទី២៦ ខែមិនា ឆ្នាំ២០១៨ ។
ក្មេងស្រីរងគ្រោះឈ្មោះ យ.ខ.ង អាយុ១២ឆ្នាំ មានស្រុកកំណើតនៅស្រុកមេមត់ ខេត្តកំពង់ចាម ។ បច្ចុប្បន្នរស់នៅភូមិឃុំកើតហេតុខាងលើ រីឯជនសង្ស័យឈ្មោះ អ៊ីត ចាន់ត្រា ភេទប្រុស អាយុ៣៥ឆ្នាំ មានស្រុកកំណើតនៅភូមិទូលវិហារ ឃុំគ ស្រុកត្បូងឃ្មំ ខេត្តត្បូងឃ្មុំ ។
លោក ស៊ុន ប៊ុនធឿន អធិការនគរបាលស្រុកកែវសីមាបានឲ្យដឹងថា នៅវេលាម៉ោង១០ថ្ងៃទី២៥ ខែមីនា ឆ្នាំ២០១៨ សមត្ថកិច្ចបានទទួលពាក្យបណ្ដឹងករណីរំលោភផ្លូវភេទ ស្ថិតនៅអូសាប្លូ ភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ។ លោកអធិការថា ករណីនេះមិនមែនទើបតែកើតហេតុទេ ពោលគឺបានកើត៣ទៅ៤ខែទៅហើយ នឹងសង្ស័យជាការត្រូវរ៉ូវគ្នាព្រោះនៅពេលភាគីខាងក្មេងស្រីរងគ្រោះទាមទារឲ្យភាគីខាងប្រុសទទួលខុសត្រូវហាក់មិនចុះសម្រុងនឹងគ្នាទើបគ្រួសារខាងស្រីសម្រេចដាក់ពាក្យប្តឹងតែម្តង ។
លោកអធិការបន្តថា បន្ទាប់ពីធ្វើការស៊ើបអង្កេត និងផ្ទៀងផ្ទាត់ចម្លើយសារភាពរបស់ជនសង្ស័យករណីខាងលើនេះ គឺមានការត្រូវរ៉ូវគ្នា តែដោយពិនិត្យលើឯកសារនានា និងអត្តសញ្ញាណរបស់ក្មេងស្រីគឺនាងទើបមានអាយុ១២ឆ្នាំប៉ុណ្ណោះ គឺខុសច្បាប់ ទើបនគរបាលសម្រេចឃាត់ខ្លួនជនសង្ស័យដើម្បីចាត់ការតាមច្បាប់ ។
បើតាមចម្លើយសារភាពរបស់សង្ស័យបាននិយាយថា រាល់ថ្ងៃខ្លួនបានឃើញជនរងគ្រោះនៅតែពីរនាក់ឪពុក និងកូនហើយឪពុកនោះស្រវឹងស្រារាល់ថ្ងៃនៅក្នុងខ្ទមតូចប្រក់តង់ ។ នៅពេលឃើញដូច្នេះក៏តែងតែទិញស្រា.សទៅឲ្យឪពុកក្មេងស្រីផឹកដើម្បីខ្លួនមានឱកាសនៅជាមួយជនរងគ្រោះ ។ តាមការបញ្ជាក់របស់បុរសជនសង្ស័យថា ខ្លួនបានរួមភេទជាមួយក្មេងស្រីខាងលើសរុប៤លើកសម្រេចបាន៧ដង ៕
ចែករំលែកព័តមាននេះ