ប្រទេសអេស្ប៉ាញ ៖ សកម្មជនទាមទារឯករាជ្យតំបន់កាតាឡូញអេស្ប៉ាញជាច្រើនពាន់នាក់ កាលពីថ្ងៃទី២៥ មីនា បានប៉ះទង្គិចគ្នាជាមួយប៉ូលិសនៅទីក្រុងបាសឺឡោន និងនៅទីក្រុងឯទៀតៗ ក្រោយការចាប់ខ្លួននៅប្រទេសអាល្លឺម៉ង់អតីតប្រធានាធិបតីឯករាជ្យនិយម លោក CARLES…
ប្រទេសអេស្ប៉ាញ ៖ សកម្មជនទាមទារឯករាជ្យតំបន់កាតាឡូញអេស្ប៉ាញជាច្រើនពាន់នាក់ កាលពីថ្ងៃទី២៥ មីនា បានប៉ះទង្គិចគ្នាជាមួយប៉ូលិសនៅទីក្រុងបាសឺឡោន និងនៅទីក្រុងឯទៀតៗ ក្រោយការចាប់ខ្លួននៅប្រទេសអាល្លឺម៉ង់អតីតប្រធានាធិបតីឯករាជ្យនិយម លោក CARLES PUIGDEMONT ដែលស្ថិតក្រោមដីកាចាប់ខ្លួនអឺរ៉ុបចេញដោយ
អេស្ប៉ាញ៥ខែ ក្រោយលោករត់គេចចេញពីប្រទេស ។
តាមការអំពាវនាវរបស់ក្រុមរ៉ាឌីកាល់មួយ គឺក្រុមគណៈកម្មាធិការការពារសាធារណរដ្ឋ CDR ពួកបាតុករប៉ុនប៉ងលើកគ្នាមកក្បែរសាលាក្រុងបាសឺឡោន រួចកងកម្លាំងប៉ូលិសបានរុញច្រានពួកគេដោយវាយនឹងដំបង ព្រមទាំងបាញ់ទៅលើអាកាស ។ ពួកបាតុករបានគប់ថង់សំរាមដាក់ប៉ូលិស ។ ប្រធានសភាកាតាឡូញ លោក ROGER TORRENT បានអំពាវនាវតាមទូរទស្សន៍តំបន់ឱ្យមានភាពស្ងប់ស្ងាត់ ។ លោកថ្លែងថា ប្រាកដណាស់ខ្ញុំយល់ថា សង្គមកាតាឡូញនឹងបញ្ចេញប្រតិកម្មដូចដែលខ្លួនធ្លាប់ធ្វើតាមរយៈសកម្មភាពអហិង្សា ។
យោងតាមភ្នាក់ងារជួយសង្គ្រោះថា មនុស្ស៨៧នាក់រងរបួស គឺ៧៩នាក់នៅក្រុងបាសឺឡោន ក្នុងនោះមានប៉ូលិស១៣នាក់ ៧នាក់នៅទីក្រុង LLEIDA និងម្នាក់នៅទីក្រុង TARRAGONE ។
លោក CARLES PUIGDEMONT ត្រូវចាប់ខ្លួននៅភាគខាងជើងអាល្លឺម៉ង់ពេលលោក
មកពីប្រទេសដាណឺម៉ាក់ជិតខាង ។ តាមមេធាវីរបស់លោកថា លោកកំពុងតែធ្វើដំណើរទៅកាន់បែលហ្ស៊ិកជាកន្លែងលោកភៀសខ្លួនក្រោយការប្រកាសឯករាជ្យតំបន់កាតាឡូញកាលពីថ្ងៃទី២៧ តុលា ។
ត្រូវចាប់ខ្លួនយោងតាមដីកាចាប់ខ្លួនអឺរ៉ុប លោក PUIDEMONT នាថ្ងៃទី២៦ មីនា ត្រូវគេនាំទៅបង្ហាញខ្លួនចំពោះចៅក្រមមួយរូបដែលត្រូវសម្រេចពីការឃុំខ្លួនលោកដើម្បីប្រគល់ទៅឱ្យអេស្ប៉ាញ ។
លោក PUIGDEMONT ត្រូវចាប់ខ្លួន២ថ្ងៃក្រោយចៅក្រមតុលាការកំពូលអេស្ប៉ាញលោក PABLOLLARENA សម្រេចចោទប្រកាន់លោកពីបទធ្វើឧទ្ទាមកម្មប្រឆាំងរូបលោក ព្រមទាំងមេដឹកនាំបំបែកខ្លួននិយម១២រូបទៀត ។ សរុបមេដឹកនាំឯករាជ្យនិយមកាតាឡូញ២៥នាក់ត្រូវទទួលបទចោទប្រកាន់កាលពីថ្ងៃទី២៣ មីនា ។ ចៅក្រមរូបនេះបានចេញដីកាចាប់ខ្លួនអឺរ៉ុប និងអន្តរជាតិប្រឆាំងមេដឹកនាំបំបែកខ្លួននិយម៥នាក់ដែលកំពុងរត់គេចខ្លួនទៅបរទេសក្នុងនោះមានលោក PUIGDEMONT ដែរ ៕
ចែករំលែកព័តមាននេះ