រាជធានីភ្នំពេញ ៖ ខណៈព្រឹកថ្ងៃទី២៧ ខែមីនានេះ សាលាឧទ្ទរណ៍កំពុងតែបើកសវនាការរឿងបណ្តឹងសារទុក្ខរបស់លោក កឹម សុខា មេដឹកនាំអតីតគណបក្សសង្គ្រោះជាតិ សម្តេចតេជោ ហ៊ុន…
រាជធានីភ្នំពេញ ៖ ខណៈព្រឹកថ្ងៃទី២៧ ខែមីនានេះ សាលាឧទ្ទរណ៍កំពុងតែបើកសវនាការរឿងបណ្តឹងសារទុក្ខរបស់លោក កឹម សុខា មេដឹកនាំអតីតគណបក្សសង្គ្រោះជាតិ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានថ្លែងថាសម្តេច «មិនជឿថា សាលាឧទ្ទរណ៍ដោះលែងអាមេក្បត់ជាតិទេព្រឹកនេះ» ។
សម្តេចបានបញ្ជាក់ថា អ្នកដែលបញ្ជាចាប់ខ្លួនដំបូង គឺ ហ៊ុន សែន ជាអ្នកបញ្ជាឲ្យចាប់ខ្លួនលោក កឹម សុខា ទាំងយប់ ក្រោយពីរកឃើញអំពើក្បត់ជាតិ តែទោះបីជាសាលាឧទ្ទរណ៍សម្រេចឲ្យ កឹម សុខា នៅក្រៅឃុំ សម្តេចក៏នឹងអនុវត្តតាម ។ តែសម្តេចតេជោបញ្ជាក់ថា ៖ «មិនជឿថា សាលាឧទ្ទរណ៍ដោះលែងអាមេក្បត់ជាតិទេព្រឹកនេះ» ។
សូមរម្លឹកថា លោក កឹម សុខា ត្រូវបានសមត្ថកិច្ចចាប់ខ្លួននៅវេលារំលងអាធ្រាត្យឈានចូលថ្ងៃទី៣ ខែកញ្ញា ឆ្នាំ២០១៧ បន្ទាប់ពីបែកធ្លាយវីដេអូមួយបង្ហាញថា លោកបានឃុបឃិតនឹងអាមេរិកប៉ុនប៉ងផ្តួលរំលំរដ្ឋាភិបាលស្របច្បាប់នៅកម្ពុជាជាយូរណាស់មកហើយ ៕
ចែករំលែកព័តមាននេះ