ការសិក្សាមួយដែលចុះផ្សាយក្នុងសារព័ត៌មាន American Heart Association បានរកឃើញថា សារធាតុមួយដែលមានក្នុងផ្លែឈើ ជូរៗអាចជួយបន្ថយការប្រឈមនឹងជំងឺដាច់សរសៃឈាមខួរក្បាលបែបស្ទះសរសៃឈាម លើមនុស្សស្រីបាន ។ ការសិក្សាបង្ហាញថា…
ការសិក្សាមួយដែលចុះផ្សាយក្នុងសារព័ត៌មាន American Heart Association បានរកឃើញថា សារធាតុមួយដែលមានក្នុងផ្លែឈើ ជូរៗអាចជួយបន្ថយការប្រឈមនឹងជំងឺដាច់សរសៃឈាមខួរក្បាលបែបស្ទះសរសៃឈាម លើមនុស្សស្រីបាន ។
ការសិក្សាបង្ហាញថា ស្ត្រីដែលញ៉ាំផ្លែឈើជូរៗច្រើន អាចបន្ថយការប្រឈមនឹងជំងឺដាច់សរសៃឈាមរហូតដល់១៩ភាគរយ នេះបើយើងប្រៀបធៀបនឹងអ្នកដែលមិនបានញ៉ាំទៀងទាត់ដូចគ្នា ។
ការស្រាវជ្រាវរកឃើញថា សារធាតុ Flavonoids ក្នុងផ្លែឈើ ជូរៗមានឥទ្ធិពលយ៉ាងពិសេសលើជំងឺដាច់សរសៃឈាមខួរក្បាល។ សារធាតុមួយនេះដែរ គឺជា Phytochemicals ដែលមាននាទីបំពាក់ពណ៌ក្រហម លឿង និងខៀវលើបន្លែ និងផ្លែឈើ ។
ការសិក្សា ផ្សេងៗទៀតបង្ហាញថា Flavonoids ផ្ទុកទៅដោយអង់ទីអុកស៊ីដង់ដែលខ្លាំងក្លាមួយ ដែលអាចបង្កើនប្រសិទ្ធភាពការងាររបស់វីតាមីន E និង C ។ ក្រៅពីនេះវាក៏ជំរុញដល់ការទប់ស្កាត់ជំងឺដុំសាច់មហារីកក្នុងខ្លួនដែរ។
រុក្ខជាតិជាអាហារទាំងអស់សុទ្ធតែជាប្រភពនៃសារធាតុ Flavonoids នេះ ប៉ុន្តែកំហាប់របស់វាមានច្រើនជាងគេនោះគឺនៅក្នុងផ្លែឈើជូរៗ ផ្លែប៊័ររី ខ្ទឹមបារាំង តែបៃតង ជីវ៉ាន់ស៊ុយ និងស្រាក្រហម ។
ការសិក្សាផ្សេងទៀតនិយាយថា សារធាតុ Flavonoids របស់ផ្លែឈើជូរៗមានប្រយោជន៍ចំពោះលំហូរឈាម និងជម្រាប់របស់សរសៃឈាម ។ ថ្វីបើការញ៉ាំបន្លែ ផ្លែឈើ និងវីតាមីន C ច្រើនអាចកាត់បន្ថយការប្រឈមនឹងជំងឺដាច់សរសៃឈាមខួរក្បាលក៏ដោយ ក៏សារធាតុ Flavonoids ផ្តល់នូវការការពារតាមរយៈយន្តការជាច្រើនដូចជា ឥទ្ធិពលប្រឆាំងការរលាក និងពង្រឹងដល់មុខងារសរសៃឈាម ៕
ចែករំលែកព័តមាននេះ