ខេត្តក្រចេះ ៖ អាជ្ញាធរស្រុកស្នួលបានអះអាងថា ការស្លាប់របស់ស្ត្រីម្នាក់ដែលបានចង.ក សម្លាប់ខ្លួននៅក្នុងព្រៃគឺមិនពាក់ព័ន្ធដូចតាមការលើកឡើងថា ស្ត្រីរងគ្រោះមានប្តីបានរងរបួស ដោយការតវ៉ាដីធ្លី ហើយសមត្ថក៏តាមរកគាត់ផងដែរដោយសារគាត់ជាអ្នករាយការណ៍ទៅវិទ្យុ អាស៊ីសេរី ។…
ខេត្តក្រចេះ ៖ អាជ្ញាធរស្រុកស្នួលបានអះអាងថា ការស្លាប់របស់ស្ត្រីម្នាក់ដែលបានចង.ក សម្លាប់ខ្លួននៅក្នុងព្រៃគឺមិនពាក់ព័ន្ធដូចតាមការលើកឡើងថា ស្ត្រីរងគ្រោះមានប្តីបានរងរបួស ដោយការតវ៉ាដីធ្លី ហើយសមត្ថក៏តាមរកគាត់ផងដែរដោយសារគាត់ជាអ្នករាយការណ៍ទៅវិទ្យុ អាស៊ីសេរី ។ ព្រោះតែគាត់អស់ផ្លូវដើរពួននៅក្នុងព្រៃ អត់អីហូបក៏សម្រេចចិត្តចង់.កសម្លាប់ខ្លួន ព្រោះតែរងអំពើរអយុត្តិធម៌ក្នុងសង្គម ។ អាជ្ញាធរបានរកឃើញថា ការសម្រេចចិត្តចង.ក សម្លាប់ខ្លួនរបស់ស្ត្រីរូបនេះដោយសារតែមានជម្ងឺប្រចាំកាយរាំរ៉ៃពោលគឺជម្ងឺអេដស៍ ។ ហើយ ស្ត្រីរងគ្រោះក៏មិនមានប្តីជាក្រុមអ្នកតវ៉ាដីធ្លី និងរងរបួសអីនោះដែរ ។
អធិការនគរបាលស្រុកស្នួលលោកវរសេនីយ៍ឯក ចាន់ សុគីម បានឲ្យដឹងនៅថ្ងៃទី២៦ ខែមីនា ឆ្នាំ២០១៨ នេះថា សពរបស់ស្ត្រីរងគ្រោះឈ្មោះ អ៊ុល ចិន្តា អាយុ៣០ឆ្នាំ រស់នៅភូមិថ្នល់ ឃុំស្វាយជ្រៈ ស្រុកស្នួល ត្រូវបាននគរបាល និងអ្នកភូមិស្វែងរកឃើញចង.កសម្លាប់ខ្លួននៅព្រៃ ខាងក្រោយភូមិបន្ទាប់ពីស្ត្រីរងគ្រោះ បានបាត់ខ្លួនពីផ្ទះមានរយៈជិត១សប្តាហ៍ ។ លោកអធិការនគរបាលស្រុកបានបញ្ជាក់ទៀតថា ស្ត្រីរងគ្រោះមានប្តីឈ្មោះ គ្រី យ៉ាហាំភ្លី អាយុ២៩ឆ្នាំ មានទីលំនៅជាមួយគ្នា ។
តាមការរៀបរាប់ពីបុរសជាប្តីឈ្មោះ គ្រី យ៉ាហាំភ្លី អាយុ២៩ឆ្នាំ បានប្រាប់អាជ្ញាធរថា ប្រពន្ឋរបស់ខ្លួនមានជម្ងឺអេដស៍ជាច្រើនឆ្នាំមកហើយ ។ ហើយការសម្រេចចិត្តគិតខ្លីសម្លាប់ ខ្លួនដោយចង.កនេះគឺអាចបណ្តាលមកពីនាងមានជម្ងឺប្រចាំកាយកាន់តែធ្ងន់ធ្ងរទៅៗ ៕
ចែករំលែកព័តមាននេះ