រាជធានីភ្នំពេញ ៖ បច្ចុប្បន្ននេះហាងម៉ាស្សានៅទីរាជធានីភ្នំពេញ បាននិងកំពុងរីកព្រោងព្រាតដូចផ្សិត ហើយរបរនេះកាន់តែពេញនិយម ដោយសារតែសព្វថ្ងៃនេះមិនមែនមានតែបុរសនោះទេ ដែលចូលចិត្តរកសេវាម៉ាស្សា សូម្បីតែស្ត្រីក៏និយមទៅរកសេវានេះដែរ ដើម្បីបំបាត់ស្ត្រេស ភាពនឿយ…
រាជធានីភ្នំពេញ ៖ បច្ចុប្បន្ននេះហាងម៉ាស្សានៅទីរាជធានីភ្នំពេញ បាននិងកំពុងរីកព្រោងព្រាតដូចផ្សិត ហើយរបរនេះកាន់តែពេញនិយម ដោយសារតែសព្វថ្ងៃនេះមិនមែនមានតែបុរសនោះទេ ដែលចូលចិត្តរកសេវាម៉ាស្សា សូម្បីតែស្ត្រីក៏និយមទៅរកសេវានេះដែរ ដើម្បីបំបាត់ស្ត្រេស ភាពនឿយ និងធ្វើឱ្យអារម្មណ៍ស្រស់ថ្លា ព្រមទាំងមានសុខភាពល្អ ។
ខណៈដែលវិស័យនេះ កំពុងតែរីកលូតលាស់គួរឲ្យកត់សម្គាល់ ជាការពិតហាងម៉ាស្សាមានច្រើនកន្លែង ប៉ុន្តែហាងខ្លះ មិនបានផ្តល់ភាពពេញចិត្តឱ្យភ្ញៀវច្រើននោះទេ។
ហាងចំប៉ីស្ប៉ាជាហាងមួយដែលផ្តល់សេវាកម្មម៉ាស្សាអស់រយៈជាច្រើនឆ្នាំមកហើយ និងជាហាងដែលមានឈ្មោះល្បីគួរសមក្នុងរាជធានីភ្នំពេញ ដោយសារតែហាងចំប៉ីស្ប៉ា មួយនេះហាក់រក្សាបាននៅលក្ខណៈបុរាណ បើទោះជាសម័យនេះ ជាសម័យស៊ីវិល័យក៏ដោយ។ ពេលចូលទៅខាងក្នុងហាង ឃើញមានតុបតែងលក្ខណៈបែបបុរាណ អមដោយធម្មជាតិ ព្រមទាំងមានភ្លេងកំដរដ៏លន្លង់លន្លោចស័ក្កិសមជាកន្លែងដែលផ្តល់អារម្មណ៍ស្ងប់ស្ងាត់ និងស្រស់ថ្លា និងសម្រាកចិត្តកាយ។
គ្រូបណ្តុះបណ្តាលខាងផ្នែកម៉ាស្សាម្នាក់នៅហាងចំប៉ីស្ប៉ា គឺលោកវ៉ាត់ ណាឡំ បានរៀបរាប់ថា បានជាចំប៉ីស្ប៉ាធ្វើការតុបតែង និងរចនាហាងមានលក្ខណៈបុរាណដោយលាយលំនិងធម្មជាតិ គឺដោយសារយល់ឃើញថា ស្ប៉ាគឺជាកន្លែងសម្រាប់សំរាកកាយ សម្រួលអារម្មណ៍នៅពេលដែលមានការហត់នឿយ សម្រួលដល់ការឈឺចុកររោយ ស្ពឹកស្រពន់នៃសារពាង្គកាយក្រោយរងសម្ពាតពីរការងារធ្ងន់ៗ។ នេះជាមូលហេតុដែលស្ប៉ាត្រូវការភាពស្ងប់ស្ងាត់ ដើម្បីឱ្យអារម្មណ៍មានភាពស្រស់រីករាយ ពោពេញទៅដោយថាមពល។
ហាងមួយនេះ មិនត្រឹមតែផ្តល់សេវាកម្មម៉ាស្សាធ្វើឱ្យភ្ញៀវមានអារម្មណ៍ល្អ ស្រស់ថ្លានោះទេ ថែមទាំងផ្តល់ការងារឱ្យប្រជាពលរដ្ឋកម្ពុជា ជាពិសេសស្ត្រី។
លោក វ៉ាត់ ណាឡំ បានឱ្យដឹងថា មូលហេតុដែលម្ចាស់ហាងម៉ាស្សានេះ បើកអាជីវកម្មមួយនេះ ដោយសារជួយសម្រួលការងារធ្វើដល់ប្រជាជន ជាពិសេសគឺស្ត្រីភេទ។ បន្ថែមពីនេះអាចសម្រួល និងដោះស្រាយរាល់បញ្ហាដែលកើតមានលើ សុខភាពសារពាង្គកាយដូចជា ការឈឺចុកចាប់តាមរយៈសរសៃពួរសាច់ដុំ សន្លាក់ឆ្អឹង ភាពចុករោយស្ពឹកស្រពុន ចលនាឈាម និងសម្ពាធខ្យល់ដំណើរការមិនល្អ ភាពតានតឹងក្នុងអារម្មណ៍…ល។ អ្វីកាន់តែពិសេសនោះ គឺរក្សាទំនៀមទំលាប់ប្រពៃណីពីបុរាណតាមរយៈស្ទាយម៉ាស្សាខ្មែរបុរាណ។
រហូតមកទល់បច្ចុប្បន្នហាងចំបីស្ប៉ាមានប្រាំសាខានៅរាជធានីភ្នំពេញ។ សេវាកម្មរបស់ហាងនេះ ត្រូវបានចែកជាពីរផ្នែកធំៗ គឺ៖ ទី១ សេវាកម្មម៉ាស្សាផ្នែកសុខភាពមានប្រាំសេវាកម្ម និងទី២ សេវាកម្មថែរក្សាសម្រស់មានបួនសេវាកម្ម។
ម៉ាស្សាមានដើមកំណើតតាំងពីបុរាណកាល ។ ការម៉ាស្សាមានប្រយោជន៍ជាច្រើនក្នុងការបំបាត់ការថប់បារម្ភ បញ្ហារំលាយអាហារ ឈឺក្បាល ការគេងមិនលក់ដែលទាក់ទងទៅនឹងភាពតានតឹង ការឈឺចាប់សាច់ដុំ ការស្ពឹក និងការឈឺចាប់នៅលើសរសៃប្រសាទ ការរងរបួសដោយសារកីឡា បញ្ចេញជាតិពុល និងរសាយភាពនូវសៅហ្មងជាដើម។
មនុស្សភាគច្រើនបានរីករាយជាមួយការម៉ាស្សាដោយសារតែវាគឺជាការយកចិត្តទុកដាក់ ការលួងលោម អារម្មណ៍ និងការបង្កើតទំនាក់ទំនងជាមួយនឹងការព្យាបាលដោយការម៉ាស្សា។ ហាងចំប៉ីស្ប៉ាអាចចាត់ទុកថា ជាហាងមួយដែលល្បី និងមានការទទួលពីអតិថិជន ទាំងជាតិ និងអន្តរជាតិ ដោយសារក្បាច់ម៉ាស្សាជួយសម្រួលអារម្មណ៍ពួកគាត់បានច្រើន។
លោក ណាឡំ បានអះអាងថា៖ «សំរាប់ក្បាច់ម៉ាស្សានៅចំប៉ីស្ប៉ា គឺមិនដូចទៅនិងក្បាច់ម៉ាស្សានៅហាងដទៃទៀតនោះទេ ហើយអ្វីដែលពិសេសទៅទៀតនោះ គឺចំប៉ីស្ប៉ាបានបង្កើតនៅក្បាច់ម៉ាស្សាផ្ទាល់តែម្តងសំរាប់សេវាបំរើអតិថិជន»។ លោកបន្ថែមថា ចំណុចពិសេសរបស់ហាងចំប៉ីស្ប៉ាដែលធ្វើឱ្យអតិថិជនគាំទ្ររហូតកើនឡើងដូចបច្ចប្បន្ននោះ គឺមានប្រាំចំណុច គឺរក្សាគុណភាពអនាម័យឱ្យបានស្អាត រក្សាគុណភាពសមត្ថភាពបុគ្គលិកឱ្យបានរឹងមាំ រក្សាគុណភាពវិន័យឱ្យបានខ្ពស់ រក្សាគុណភាពបដិសណ្ធារកិច្ចឱ្យបានល្អ និងរក្សាគុណភាពជំនាញឱ្យបានច្បាស់លាស់។
គ្រូបណ្តុះបណ្តាលខាងផ្នែកម៉ាស្សាចំប៉ីស្ប៉ារូបនេះបន្តថា៖ «សម្រាប់ចំប៉ីស្ប៉ាវាមានអត្ថប្រយោជន៍ពិសេសជាច្រើនដល់អតិថិជន ទី១.យើងបានផ្តល់សេវាមួយម៉ាស្សាបែបចលនា និងលក្ខណៈបែបរក្សាសម្រស់ គឺមិនឱ្យអតិថិជនមិនខុសបំណងទេ ចំពោះសេវាកម្មរបស់យើង ហើយមួយទៀតចំពោះពាក់ព័ន្ធទៅនឹងសុវត្តិភាពក៏ដូចជាអនាម័យផ្ទៃក្នុង គឺយើងធានាជូនតែម្តង»។ ចំណែកឯបុគ្គលិកវិញ គឺសុទ្ធមានភាពរួសរាយរាក់ និងមានជំនាញច្បាស់លាស់។ លោកបានឱ្យដឹងថា រាល់បុគ្គលិកដែលចេញម៉ាស្សាឱ្យភ្ញៀវទាល់តែទទួលការបណ្តុះបណ្តាលមួយរយៈ រហូតគ្រូបញ្ជាក់ពីសមត្ថភាព ទើបអនុញ្ញាតម៉ាស្សាឱ្យភ្ញៀវ។
លោកបានឱ្យដឹងថា ទៅថ្ងៃខាងមុខចំប៉ីស្ប៉ានឹងធ្វើការពង្រីកសាខាទៅតំបន់ដែលមានសក្តានុពលទេសចរណ៍ដូចជា សៀមរាប កំពង់សោម និងអាចឈានទៅដល់ប្រទេសមួយចំនួនទៀតនៅក្នុងតំបន់អាស៊ាន៕
ចែករំលែកព័តមាននេះ