ខេត្តស្ទឹងត្រែង ៖ ដោយផ្អែកលើភាពខ្វះខាតរបស់ប្រជាពលរដ្ឋជាច្រើនសម្រាប់ជាប្រយោជន៍រួម សមិទ្ធិផលមួយចំនួនបានដាក់ឲ្យដំណើរប្រើប្រាស់ជាផ្លូវការ បន្ទាប់ស្តារស្ថាបនាសាងសង់ថ្មី និងជួលជុលឡើងវិញនូវសមិទ្ធិផលចាស់មួយចំនួនឡើងវិញ ។
ប្រជាពលរដ្ឋចំនួន៥ភូមិ ស្ថិតនៅឃុំអូរម្រះ គ្របដណ្តប់លើស្រុកសៀមបូក ខេត្តស្ទឹងត្រែង បានសម្លែងក្តីរីករាយចំពោះវត្តមានសមិទ្ធិផលមួយចំនួនរួមមានការផ្លាស់ប្តូរពីស្ពានឈើទ្រុឌទ្រោមស្ទើធ្វើដំណើរតាមទោចក្រយានយន្តមិនបាន មកជាស្ពានបេតុងដែលរថយន្តខ្នាតមធ្យមអាចបើកបរឆ្លងកាត់បាន ពីអណ្តូងទឹកស្ទើរគ្មានខ្នោះលូដាក់ មកជាអណ្តូងទឹកស្នប់ប្រកបដោយអនាម័យ និងសុវត្ថិភាព ជាពិសេសប្រព័ន្ធចែកចាយទឹកសហគមន៍ពីផ្លូវដែលមានជង្ហុករលាក់ខ្លាំង មកជាផ្លូវក្រាលក្រួសក្រហមថ្មី និងការដាក់ប្រព័ន្ធលូទប់ស្កាត់ទឹកហូរដាច់ផ្លូវ និងសមិទិ្ធផលមួយចំនួនទៀតដែរបម្រើឲ្យផលប្រយោជន៍ប្រជាពលរដ្ឋ ។
ប្រជាពលរដ្ឋទាំងនោះបានលើកឡើងបន្ថែមថា នៅឆ្នាំ២០១៧កន្លងមកពួកគាត់បានលេចឮនូវដំណឹងមួយចំនួនដែលជាការរំឭកទុកថា នឹងកើតឡើងដោយមិនមែនជាដំណឹងខ្យល់ គឺមានមន្ត្រីរាជការសហការណ៍ជាមួយអង្គភាពពាក់ព័ន្ធរួមអាជ្ញាធរភូមិឃុំ និងស្រុកបានសិក្សាលើគម្រោងនាៗរហូតសម្រេចការស្តារស្ថាបនាសាងសងឡើងដូចជា ស្ពាន ផ្លូវ រៀបចំប្រព័ន្ធលូ ជិកអណ្តូងទឹកបន្ថែមជួសជុល និងស្តាអណ្តូងទឹកស្នប់ រៀបចំប្រព័ន្ធចែកចាយទឹកសហគមន៍ផងដែរ ។
សមិទ្ធិផលទាំងនោះ ស្ថិតក្រោមគម្រោងមូលនិធិរួមក្នុងឃុំអូរម្រះស្រុកសៀមបូក ។ ថ្វីត្បិតសមិទ្ធិផលទាំងនោះមិនអាចផ្គត់ផ្គងទូរទាំងស្រុកសៀមបូកក្តី តែអាជ្ញាធរខេត្តរួមអង្គភាពពាក់ព័ន្ធនឹងបន្តស្តារអភិវឌ្ឍន៍បន្ថែមទៅឃុំមួយចំនួនទៀតដើម្បីឆ្លើយតបតាមតម្រូវការរបស់ប្រជាពលរដ្ឋដែលកំពុងប្រឈមផលលំបាក ។ បងប្អូនប្រជាពលរដ្ឋទាំងអស់មេត្តារួមចំណែកដើម្បីថែរក្សាសមិទ្ធិផលទាំងនេះ ឲ្យបានគង់វង្សពីព្រោះវាប្រជោយន៍រួមដែលប្រជាពលរដ្ឋយើងទាំងអស់គ្នាពឹងផ្អែកទៅអនាគតបន្ថែម នេះជាការលើកឡើងរបស់អាជ្ញាធរទៅកាន់ប្រជាពលរដ្ឋកាលពីព្រឹកថ្ងៃទី២៥ ខែមីនា ឆ្នាំ២០១៨ ក្នុងទិវាទឹកពិភពលោកលើកទី២៥ ឆ្នាំ២០១៨ ស្ថិតនៅចំណុចភូមិត្បូងខ្លា ឃុំអូរម្រះ ស្រុកសៀមបូក ខេត្តស្ទឹងត្រែង ។
ក្រោមបញ្ចប់កម្មវិធីសម្ពោធសមិទ្ធិផលនានាដែលស្ថាបនានៅក្នុងឆ្នាំ២០១៧ លោក ម៉ុម សារឿន អភិបាល នៃគណៈអភិបាលខេត្តស្ទឹងត្រែង បានចែកជូនកាដូរអនុស្សាវរីយ៍ដល់ប្រជាពលរដ្ឋចំនួន៥០០នាក់មកពីភូមិចំនួន៥ក្នុងឃុំអូរម្រះ ៕
ចែករំលែកព័តមាននេះ