ខេត្តមណ្ឌលគិរី ៖ បុរសវ័យក្មេងម្នាក់ទើបភ្ជាប់ពាក្យបាន១៥ថ្ងៃ បែរជាជួបហេតុការណ៍នឹកស្មានមិនដល់ ខណៈកំពុងទៅឆក់ត្រីតាមអូរពីរនាក់មិត្តភក្តិ បែរជាជួបគ្រោះអកុសលឆក់ស្លាប់ខ្លួនឯងយ៉ាងអាណោចអាធ័ម កាលពីវេលាម៉ោងនៅវេលាម៉ោង១៣និង៥០នាទី ថ្ងៃទី២៥ ខែមីនា ឆ្នាំ២០១៨…
ខេត្តមណ្ឌលគិរី ៖ បុរសវ័យក្មេងម្នាក់ទើបភ្ជាប់ពាក្យបាន១៥ថ្ងៃ បែរជាជួបហេតុការណ៍នឹកស្មានមិនដល់ ខណៈកំពុងទៅឆក់ត្រីតាមអូរពីរនាក់មិត្តភក្តិ បែរជាជួបគ្រោះអកុសលឆក់ស្លាប់ខ្លួនឯងយ៉ាងអាណោចអាធ័ម កាលពីវេលាម៉ោងនៅវេលាម៉ោង១៣និង៥០នាទី ថ្ងៃទី២៥ ខែមីនា ឆ្នាំ២០១៨ នៅចំណុចអូររាំង ស្ថិតក្នុងភូមិពូរាង ឃុំសែនមនោរម្យ ស្រុកអូររាំង ។
លោក ខៃ វណ្ណៈ អធិការរងនគរបាលស្រុកបានឲ្យដឹងថា មានករណីឆក់ត្រីដោយប្រើចរន្តភ្លើងអាគុយ បណ្ដាលឲ្យឆក់មនុស្សស្លាប់ម្នាក់ និងរបួសស្រាលម្នាក់ ទឹកអូរជម្រៅត្រឹមជង្គង់ ។ លោកបន្តថា នៅវេលាម៉ោង១៣និង៥០នាទី ឈ្មោះ តេង សុចាន់ (ជនរងគ្រោះ) ភេទប្រុស អាយុ២៥ឆ្នាំ និងឈ្មោះ ស៊ឹម វ៉ាន់នឿន (អ្នកទៅជាមួយ) ភេទប្រុស អាយុ២៦ឆ្នាំ បាននាំគ្នាទៅឆក់ត្រីនៅកន្លែងកើតហេតុខាងលើ ។
ដោយឈ្មោះ តេង សុចាន់ ជាអ្នកចុះកាន់ម៉ាស៊ីនចុះទៅឆក់ត្រី ឬឯឈ្មោះ វ៉ាន់ នឿន នៅលើគោក នៅពេលកំពុងឆក់ត្រីស្រាប់តែដែក សម្រាប់ឆក់វៀចម្ខាង ជនរងគ្រោះក៏បានយកដៃម្ខាងទៀតដែលលំពុងកាន់ដែកឆក់ ដើម្បីតម្រង់ដែកវៀច ប៉ុន្តែដៃម្ខាងទៀតនោះ នៅកាន់កុងតាក់មិនប្រលែង ក៏ឆក់បណ្តាលឲ្យដួលទៅក្នុងទឹក សង្កត់លើអាគុយដែលកំពុងស្ពាយក្រោយខ្នង ។
ដោយឃើញបែបនេះ ឈ្មោះ ស៊ីម វ៉ាន់នឿម ក៏ចុះទៅជួយ ក៏ត្រូវបានម៉ាស៊ីនឆក់ដូចគ្នា មិនអាចជួយជនរងគ្រោះបានទើបបណ្ដាលឲ្យឈ្មោះ តេង សុចាន់ ស្លាប់តែម្តង ។ ឬឯឈ្មោះ ស៊ឹម វ៉ាន់នឿន ក៏បានរងរបួសស្រាល ។ ក្រោយការពិនិត្យសាកសព សមត្ថកិច្ចសន្និដ្ឋានថា ជនរងគ្រោះពិតជាស្លាប់ដោយសារចន្តអគ្គិសនីអាគុយមែន និងបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ