ខេត្តកណ្តាល ៖ បន្ទាប់ពីទទួលបានសេចក្តីរាយការណ៍ព័ត៌មានពីពលរដ្ឋល្អកម្លាំងសមត្ថកិច្ចនគរបាលប៉ុស្តិ៍រដ្ឋបាលគគីរសហការជាមួយកម្លាំងនគរបាលជំនាញព្រហ្មទណ្ឌស្រុក ក្រោមការបញ្ជាផ្ទាល់ពីលោកវរសេនីយ៍ឯកប៉ា.សំអិតអធិការនគរបាលស្រុកកៀនស្វាយ ។
ចុះប្រតិបត្តិការបំបែកក្រុមអ្នកញៀនល្បែងបញ្ជល់មាន់ លួចលាក់មួយកន្លែង នៅចំណុចដីព្រៃ ជួរមាត់ទន្លេមេគង្គ ស្ថិតក្នុងភូមិចន្លក់ក្រៅ ឃុំគគីរ ស្រុកកៀនស្វាយ ខេត្តកណ្តាល កាលពីវេលាម៉ោង១៣និង១០នាទីរសៀលថ្ងៃទី២៤ ខែមីនា ឆ្នាំ២០១៨ ។
តែទោះបីជាយ៉ាងណាក្នុងប្រតិបត្តិការរបស់សមត្ថកិច្ចត្រូវបានបរាជ័យដោយសារក្រុមអ្នកញៀនល្បែងជល់មាន់ទាំងនោះដឹងខ្លួនមុន រត់បាតជើងសព្រាតកាត់ព្រៃពោត បន្សល់នៅតែវត្ថុតាងរួមមាន មធ្យោបាយម៉ូតូ ចំនួន៥គ្រឿង មានជល់ងាប់២ក្បាល ជញ្ជីងថ្លឹងមាន់១ សំណាញ់ហ៊ុមពន្ធ័១ និងបង្គោលឬស្សី១០ដើម ត្រូវសមត្ថកិច្ចប្រមួលលើកដាក់ឡានយកមកប៉ុស្តិ៍គគីរកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ