ខេត្តកែប ៖ មានគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៧និង៤៥នាទីព្រឹកថ្ងៃទី២៥ ខែមីនា ឆ្នាំ២០១៨ ដែលបង្កឡើងដោយរថយន្តម៉ាកកាមរីឆ្លាម បុកជាមួយកង់ក្នុងទិសដៅស្របគ្នាលើផ្លូវជាតិលេខ៣៣ ត្រង់ចំណុចខាងជើងអនុវិទ្យាល័យហ៊ុន សែន កែប ស្ថិតក្នុងភូមិកែប សង្កាត់កែប ក្រុងកែប ។
សមត្ថកិច្ចបន្តទៀតថា ជនរងគ្រោះមានឈ្មោះ ហែ ផេង ភេទប្រុស អាយុ៥៥ឆ្នាំ រស់នៅភូមិកើតហេតុខាងលើ ។
សមត្ថកិច្ចចរាចរណ៍ក្រុងកែបបានឲ្យដឹងថា ហេតុការគ្រោះថ្នាក់ខាងលើបង្កឡើងដោយរថយន្តមួយគ្រឿងពាក់ផ្លាកលេខ ភ្នំពេញ 2 D- 09027 បុកពីក្រោយកង់ ខណៈជិះពីមុខ លុះពេលបត់ចូលផ្ទះ ត្រូវរថយន្តជាន់ហ្វ្រាំងមិនទាន់ក៏បុកពេញទំហឹង បណ្តាលឲ្យអ្នកជិះកង់របួសធ្ងន់តែម្តង ។
ចំណែកអ្នកបើកបររថយន្ត ក្រោយពីកើតហេតុបានរត់គេចខ្លួនបាត់ បន្សល់ទុករថយន្តនៅកន្លែងកើតហេតុ ។ ជនរងត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពត ចំណែករថយន្តសមត្ថកិច្ចបាននាំទៅរក្សាទុកនៅអធិការដ្ឋាននគរបាលក្រុងកំពត ទុកដោះស្រាយគ្នាតាមច្បាប់ពេលក្រោយ ៕
ចែករំលែកព័តមាននេះ