ខេត្តឧត្តរមានជ័យ ៖ សង្វៀនបញ្ជល់មាន់មួយកន្លែងត្រូវបានប៉ូលិសស្រុកត្រពាំងប្រាសាទ ចុះធ្វើការបង្ក្រាបចាប់បានកីឡាបក្សីជាច្រើនក្បាល និងប្រមូលបានសម្ភារបានមួយចំនួន ។ ដោយឡែកមនុស្សរត់រួចបាត់ស្រមោល កាលពីវេលាម៉ោង១រសៀល ថ្ងៃទី២៤ ខែមិនា…
ខេត្តឧត្តរមានជ័យ ៖ សង្វៀនបញ្ជល់មាន់មួយកន្លែងត្រូវបានប៉ូលិសស្រុកត្រពាំងប្រាសាទ ចុះធ្វើការបង្ក្រាបចាប់បានកីឡាបក្សីជាច្រើនក្បាល និងប្រមូលបានសម្ភារបានមួយចំនួន ។ ដោយឡែកមនុស្សរត់រួចបាត់ស្រមោល កាលពីវេលាម៉ោង១រសៀល ថ្ងៃទី២៤ ខែមិនា ឆ្នាំ២០១៨ ស្ថិតនៅចំណុចចំការស្វាយចន្ទី ក្នុងភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។
ប្រជាពលរដ្ឋបានឱ្យដឹងថា សង្វៀនបញ្ជល់មាន់នេះ បានកើតមានជាយូយាមកហើយ ខណៈនោះក៏កើតមានល្បែងស៊ីសងផ្សេងផងដែរ ។ ក្នុងការកើតមានល្បែងបែបនេះ អាចនឹងកើតមានក្រុមចោរលួចចោរប្លន់ ដោយសារតែចាញ់ល្បែងក៏អាចថា បានដែរ ធ្វើឱ្យផលប៉ះពាល់ដល់សន្តិសុខរបស់ប្រជាពលរដ្ឋ ។
យោងតាមរបាយការណ៍ប៉ូលិសស្រុកត្រពាំងប្រាសាទ ក្នុងប្រតិបត្តិការនេះប្រមូលបានវត្ថុតាងរួមមាន ម៉ូតូបាន៨គ្រឿង កីឡាករ បក្សី៨ក្បាល ប្រភេទបក្សីខ្នាយត១២គូ បង់ស្អិត១០ដុំ ជញ្ជីងសម្រាប់ថ្លឹងបក្សីចំនួន១ និងទ្រុងសម្រាប់ក្រុងមួយចំនួនផងដែរ ដោយឡែកមនុស្សត្រូវបានរត់គេចខ្លួន ៕
ចែករំលែកព័តមាននេះ