រាជធានីភ្នំពេញ ៖ ករណីបើកកង្ហាទុកចោលភ្លេចបិទបានធ្វើឲ្យទុស្សេឆេះតូបលក់គ្រឿងប្រើប្រាស់អគ្គិសនី នៅក្នុងផ្សារអូឬស្សី បង្កឲ្យមានការភ្ញាក់ផ្អើលដល់សន្តិសុខផ្សារនាំគ្នាយកបំពង់ពន្លត់អគ្គិភ័យមកបាញ់ តែមិនរលត់ទើបហៅរថយន្តពន្លត់អគ្គិសនីមួយជួយអន្តរាគមន៍ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៥ទាបភ្លឺថ្ងៃទី២៥ ខែមិនា ឆ្នាំ២០១៨ នៅចំណុចតូបខាងផ្សារអូរឬស្សី…
រាជធានីភ្នំពេញ ៖ ករណីបើកកង្ហាទុកចោលភ្លេចបិទបានធ្វើឲ្យទុស្សេឆេះតូបលក់គ្រឿងប្រើប្រាស់អគ្គិសនី នៅក្នុងផ្សារអូឬស្សី បង្កឲ្យមានការភ្ញាក់ផ្អើលដល់សន្តិសុខផ្សារនាំគ្នាយកបំពង់ពន្លត់អគ្គិភ័យមកបាញ់ តែមិនរលត់ទើបហៅរថយន្តពន្លត់អគ្គិសនីមួយជួយអន្តរាគមន៍ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៥ទាបភ្លឺថ្ងៃទី២៥ ខែមិនា ឆ្នាំ២០១៨ នៅចំណុចតូបខាងផ្សារអូរឬស្សី ផ្លូវ១១១ សង្កាត់ផ្សារអូរឬស្សី១ ខណ្ឌ៧មករា ។
បើតាមសម្តីរបស់លោកប្រធានផ្សារអូរឬស្សីបានប្រាប់ឲ្យដឹងថា មុនពេលកើតហេតុ
កម្លាំង សន្តិសុខផ្សារបានដើរល្បាតជុំវិញផ្សារ ពេលដើរមកដល់តូបខាងលើក៏ឃើញផ្សែង
ហ៊ុយចេញពីក្នុងតូប ។ ភ្លាមៗនោះកម្លាំងសន្តិសុខចោះប្រហោង ដើម្បីបាញ់បំពង់ពន្លត់អគ្គិភ័យ តែមិនរលត់ទើបហៅរថយន្តពន្លត់អគ្គិភ័យមកបាញ់ពន្លត់ ។ ក្រោយមកម្ចាស់តូបមកដល់បានបើកទ្វារ ដើម្បីឲ្យរថយន្តពន្លត់អគ្គិភ័យចូលបាញ់ពន្លត់អស់មួយរថយន្ត ទើបរលត់តែម្ដង ។
លោកប្រធានផ្សារអូរឬស្សីបានបន្តទៀតថា ការឆ្លងចរន្តអគ្គិសនីខាងលើនេះ គឺដោយសារតែខាងម្ចាស់តូបពេលបិទតូបទៅផ្ទះ ភ្លេចបិទកង្ហាទើបធ្វើឲ្យមានអគ្គិភ័យកើតឡើងបែបនេះ តែសំណាងហើយ ដោយគ្រាន់តែឆេះសម្ភារតិចតួច ព្រោះបានកម្លាំងសន្តិសុខជួយទាន់ពេលវេលា ។
អគ្គិភ័យខាងលើនេះរថយន្តពន្លត់អគ្គិភ័យមកចំនួនពីរគ្រឿង តែបាញ់អស់តែមួយគ្រឿងទេបានរលត់ទាំងស្រុង ។
ជាចុងក្រោយលោកប្រធានផ្សារបានផ្ដាំប្រាប់ទៅអាជីវករទាំងអស់ដែរលក់ដូរនៅក្នុងផ្សារ និងក្រៅផ្សារឲ្យមានការប្រុងប្រយ័ត្នពេលបិទតូបត្រឡប់ទៅផ្ទះវិញ ឲ្យជួយពិនិត្យមើលភ្លើងថា បិតអស់ឬនៅចាំបិទតូប ៕
ចែករំលែកព័តមាននេះ