ខេត្តកំពង់ធំ ៖ ប្តីប្រពន្ធវ័យក្មេងមួយគូធ្វើជាចោរលួចម៉ូតូ បានបង្កឲ្យមានការភ្ញាក់ផ្អើលកាលពីវេលាទាបភ្លឺថ្ងៃទី២៤ ខែមិនា ឆ្នាំ២០១៨ ស្ថិតនៅក្នុងភូមិពុកយុគ សង្កាត់ស្រយូវ ក្រុងស្ទឹងសែន ខេត្តកំពង់ធំ ។
សមត្ថកិច្ចបានឲ្យដឹងថា ជនសង្ស័យខាងលើ ឈ្មោះ គ្រី ឈិត ហៅ (ឃិត) ភេទប្រុស អាយុ១៩ឆ្នាំ ជាប្តី និងប្រពន្ធឈ្មោះ វេង បូរី ហៅ(យូរី) អាយុ១៨ឆ្នាំ រស់នៅភូមិពោតាអ៊ុន សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។ ដែលបានលួចយកម៉ូតូ១គ្រឿង ម៉ាកXL ពណ៌ក្រហម ពាក់ស្លាកលេខ ភ្នំពេញ1BE- 8060 របស់ជនរងគ្រោះ ដែលម្ចាស់ម៉ូតូឈ្មោះ ខន ស៊ីណារ៉ុង ភេទប្រុស អាយុ៣៧ឆ្នាំ នៅភូមិពុកយុក សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។
បន្ទាប់ពីជនសង្ស័យទាំងពីរនាក់ធ្វើសកម្មភាពលួចម៉ូតូជិះរត់គេចត្រូវបានសមត្ថកិច្ចសហការគ្នាដេញតាមចាប់ខ្លួនរហូតបង្ក្រាបបានភ្លាមៗ ខណៈពេលដែលជនសង្ស័យយកម៉ូតូទៅលាក់ទុកនៅភូមិបញ្ញាជី ឃុំត្បូងក្រពើ ស្រុកសន្ទុក ខេត្តកំពង់ធំ ។
ករណីនេះកម្លាំងជំនាញកំពុងចងក្រងសំណុំរឿងបញ្ជូនទៅសាលាដំបូងខេត្តកំពង់ធំ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ