ខេត្តកំពង់ធំ ៖ ក្មេងស្ទាវពីរក្រុមបើកឆាកប្រយុទ្ធគ្នាស៊ីសាច់ហុតឈាមចាញ់ដេកពេទ្យឈ្នះដេកគុក ហេតុការណ៍នេះបានបង្ករឲ្យមានការភ្ញាក់ផ្អើលកាពីវេលាម៉ោង០៩នឹង០០នាទីយប់ ថ្ងៃទី២៣ ខែមីនា ឆ្នាំ២០១៨ នៅចំណុចបរិវេណស្តាតចាស់កំពង់ធំ ស្ថិតក្នុងភូមិក្តី សង្កាត់ព្រៃតាហ៊ូ…
ខេត្តកំពង់ធំ ៖ ក្មេងស្ទាវពីរក្រុមបើកឆាកប្រយុទ្ធគ្នាស៊ីសាច់ហុតឈាមចាញ់ដេកពេទ្យឈ្នះដេកគុក ហេតុការណ៍នេះបានបង្ករឲ្យមានការភ្ញាក់ផ្អើលកាពីវេលាម៉ោង០៩នឹង០០នាទីយប់ ថ្ងៃទី២៣ ខែមីនា ឆ្នាំ២០១៨ នៅចំណុចបរិវេណស្តាតចាស់កំពង់ធំ ស្ថិតក្នុងភូមិក្តី សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។
សមត្ថកិច្ចបានឲ្យដឹងថា ករណីហិង្សាដោយចេតនានេះ គឺបានបង្កឡើងដោយក្មេងស្ទាវ២ក្រុម ក្រុមទីមួយមានគ្នាច្រើននាក់ រងរបួសបីនាក់ ១.ឈ្មោះ តេ ស៊ីម៉ាប់ ភេទប្រុស អាយុ១៨ឆ្នាំ មុខរបររត់តុ រស់នៅភូមិជាំស្រាយ ឃុំមានរិទ្ធិ ស្រុកសណ្តាន់ រងរបួសធ្ងន់ចំក្បាល១កន្លែង ២.ឈ្មោះ វ៉ា សុខលីម ភេទប្រុស អាយុ២៣ឆ្នាំ មុខរបរកម្មកររស់នៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន មានរបួស១កន្លែង ចំខ្នងខាងស្តាំ (ធ្ងន់) និង៣.ឈ្មោះ ផុន ផាន់ណា ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន របួសធ្ងន់ចំ.ក១កន្លែង ជនរងគ្រោះទាំង៣នាក់ខាងលើកំពុងសម្រាកព្យាបាលក្នុងមន្ទីរពេទ្យឯកជន ។
ចំណែកក្រុមទីពីរមានគ្នាច្រើននាក់ដូចគ្នា បន្ទាប់ពីបង្កហេតុ សមត្ថកិច្ចយើងចាប់បាន៦នាក់ រួមមាន ១.ឈ្មោះ ណាល់ ហៀ ភេទប្រុស អាយុ២៣ឆ្នាំ ២.ឈ្មោះ ណាល់ សំប៊ុន ភេទប្រុស អាយុ២៥ឆ្នាំ ៣.ឈ្មោះ ហ៊ា ម៉ៅ ភេទប្រុស អាយុ២០ឆ្នាំ ៤.ឈ្មោះ សុង ណេង ភេទប្រុស អាយុ២៣ឆ្នាំ ៥.ឈ្មោះ ភោគ ឆាយ ភេទប្រុស អាយុ២១ឆ្នាំ អ្នកទាំង៥នាក់ ខាងលើនេះរស់នៅភូមិត្រពាំងក្រពើ ឃុំទឹកហូត ស្រុករលាផ្អៀ ខេត្តកំពង់ឆ្នាំង បច្ចុប្បន្ននាំគ្នាមកធ្វើជាកម្មករសំណង់នៅក្នុងខេត្តកំពង់ធំ និងទី៦.ឈ្មោះ ពេជ រដ្ឋធី ភេទប្រុស អាយុ១៧ឆ្នាំ មុខរបរកម្មករសំណង់ រស់នៅភូមិក្បាលថ្នល់សែប ឃុំស្វាយមាស ក្រុងកំពង់ឆ្នាំង ខេត្តកំពង់ឆ្នាំង ។
បើយោងតាមស្រាវជ្រាវរបស់សមត្ថកិច្ចដឹងថា នៅមុនពេលកើតហេតុ ក្មេងស្ទាវទាំងពីរក្រុមខាងលើនេះ បាននាំគ្នាទៅរាំលេងនៅក្នុងរបងលួសសំណាញ់ដែលគេហ៊ុំដាក់ឲ្យចូលរាំសប្បាយ ដោយយកលុយក្នុងកម្មវិធីប្រគំតន្ត្រីក្នុងស្តាតចាស់ នៅខណៈពេលកំពុងតែរាំលេងក៏មានការឌឺដងសម្តីដាក់គ្នាចុះឡើងៗ ហើយពួកគេទាំងពីរក្រុមក៏នាំគ្នាចេញមកក្រៅឈប់រាំ ពេលនោះខាងក្រុមដែលរងគ្រោះក៏បានវាយទៅលើក្រុមជនដៃដល់មុន បង្កឲ្យមានការវាយតប់គ្នា ឬឯខាងគាគីជនដៃដល់ដែលបានដាក់កូនពូថៅជាប់តាមខ្លួន ក៏បានកាប់បណ្ដាលឲ្យរងរបួសធ្ងន់ចំនួនបី ត្រូវបានចាប់ឃាត់ខ្លួនបានចំនួន៦នាក់ ក្រៅពីនោះបានរត់គេចខ្លួនបាត់អស់ ជនសង្ស័យទាំង៦នាក់ខាងលើត្រូវបានឃាត់ខ្លួននៅអធិការដ្ឋាននគរបាលក្រុងស្ទឹងសែន បណ្ដោះអាសន្នដើម្បីធ្វើការស្រាវជ្រាវចាត់ការតាមនីតិវិធី ៕
ចែករំលែកព័តមាននេះ