ខេត្តកំពង់ស្ពឺ ៖ ជនសង្ស័យម្នាក់ដែលជាប់ចោទបាញ់សត្វទន្សោងកាលពីវេលាម៉ោង២១និង៤០នាទី ថ្ងៃទី២២ ខែមីនា ឆ្នាំ២០១៨ នៅចំនុចភ្នំពពូលក្នុងព្រៃសហគមន៍ចំរាក ភូមិត្រពាំងក្រើញ ឃុំប្រាំបីមុម ស្រុកថ្ពង…
ខេត្តកំពង់ស្ពឺ ៖ ជនសង្ស័យម្នាក់ដែលជាប់ចោទបាញ់សត្វទន្សោងកាលពីវេលាម៉ោង២១និង៤០នាទី ថ្ងៃទី២២ ខែមីនា ឆ្នាំ២០១៨ នៅចំនុចភ្នំពពូលក្នុងព្រៃសហគមន៍ចំរាក ភូមិត្រពាំងក្រើញ ឃុំប្រាំបីមុម ស្រុកថ្ពង ខេតកំពង់ស្ពឺ នោះពេលនេះ សមត្ថកិច្ចឃាត់ខ្លួនបានហើយ ។ ការឃាត់ខ្លួននេះធ្វើឡើងនៅរសៀលថ្ងៃដដែលនៅចំណុចភ្នំពពូល ក្នុងព្រៃសហគមន៍ចំរាក ភូមិត្រពាំងក្រើញ ឃុំប្រាំបីមុម ស្រុកថ្ពង ខេតកំពង់ស្ពឺ ពេលនេះសមត្ថកិច្ចឃាត់ខ្លួនបានហើយ ការឃាត់ខ្លួននេះធ្វើឡើងនៅរសៀលថ្ងៃដដែល ជនសង្ស័យឈ្មោះ សូ ស៊ីណា ភេទប្រុស អាយុ៣៨ឆ្នាំ នៅភូមិអង្គ្រង ឃុំស្វាយរំពារ ស្រុកស្វាយទៀប ខេត្តស្វាយរៀង ។
ក្នុងការឃាត់ខ្លួននេះផងដែរ សមត្ថកិច្ចដកហូតរថយន្តបានមួយគ្រឿងម៉ាក VIGO ពណ៌ទឹកប្រាក់ ពាក់ផ្លាកលេខ ភ្នំពេញ ២M-៧៤៣៥ សាច់ទន្សោង១២០គីឡូក្រាម ជើងមុខ២ ភ្លៅក្រោយ១ ។ ជនបង្ក និងវត្ថុតាងត្រូវបានបញ្ជូនទៅមន្ទីបរិស្ថានខេត្តកំពង់ស្ពឺហើយ នៅព្រឹកថ្ងៃទី២៤ ខែមីនា ឆ្នាំ២០១៨ នេះ កងរាជអាវុធហត្ថស្រុកថ្ពង និងរដ្ឋបាលព្រៃឈើ នគបាលស្រុក ព្រមទាំងមន្ត្រីបរិស្ថាន កំពុងធ្វើកំណត់ហេតុកន្លែងកើតហេតុបន្ត ដើម្បីបំពេញសំណុំរឿងបញ្ជូនទៅតុលាការតាមនីតិវិធី ។
សូមរំឮកថា មានករណីបាញ់សត្វទន្សោង បណ្ដាលឲ្យរបួសមួយក្បាលក្នុងព្រៃសហគមន៍បង្កដោយជនមួយក្រុមរថយន្ត២គ្រឿង ក្រោយបាញ់របួសហើយពួកគេបាននាំគ្នាពន្លះយកសាច់ក្នុងគោលបំណងគេចខ្លួនតែក្រោយមកបែកការ ខ្លះរត់រួចនៅសល់ជនសង្ស័យម្នាក់ក៏ត្រូវសមត្ថកិច្ចក្របួចបានតែម្តង ៕
ចែករំលែកព័តមាននេះ