ខេត្តក្រចេះ ៖ គ្រោះអគ្គិភ័យដែលនៅមិនទាន់បានកំណត់ឲ្យច្បាស់ថាផ្តើមចេញពីអ្វីឲ្យប្រាដកនៅឡើយនោះ បានបង្កជាមហន្តរាយយ៉ាងធ្ងន់ធ្ងរដល់លំនៅឋានពលរដ្ឋចំនួន៣ខ្នងផ្ទះធំៗ នៅភូមិតាលុស ឃុំបុសលាវ ស្រុកចិត្របុរី បានក្លាយជាចំណីភ្លើង ។ ក្នុងមហន្តរាយនេះក៏ត្រូវបានអាជ្ញាធរប៉ាន់ប្រមាណថា…
ខេត្តក្រចេះ ៖ គ្រោះអគ្គិភ័យដែលនៅមិនទាន់បានកំណត់ឲ្យច្បាស់ថាផ្តើមចេញពីអ្វីឲ្យប្រាដកនៅឡើយនោះ បានបង្កជាមហន្តរាយយ៉ាងធ្ងន់ធ្ងរដល់លំនៅឋានពលរដ្ឋចំនួន៣ខ្នងផ្ទះធំៗ នៅភូមិតាលុស ឃុំបុសលាវ ស្រុកចិត្របុរី បានក្លាយជាចំណីភ្លើង ។
ក្នុងមហន្តរាយនេះក៏ត្រូវបានអាជ្ញាធរប៉ាន់ប្រមាណថា មានការខាតបង់ជាង១០ម៉ឺនដុល្លារ ក៏ដោយសារផ្ទះដែលរងគ្រោះសុទ្ធសឹងជាផ្ទះឈើធំៗ និងមានលក់ដូរមុខទំនិញផ្សេងៗទៀតផងនោះ ។
ស្នងការរងទទួលកិច្ចការងារអគ្គិភ័យ លោកឧត្តមសេនីយ៍ត្រី ច្រឹង ផល្លី បានឲ្យដឹងថា គ្រោះអគ្គិភ័យដែលបង្កឡើងកាលពីវេលាម៉ោង០១រំលងអធ្រាត្រ ឈានចូលថ្ងៃទី២៤ ខែមីនា នេះ បានធ្វើឲ្យលំនៅឋានធំៗ៣ខ្នងផ្ទះរបស់ជនរងគ្រោះចំនួន៣គ្រួសារផ្សេងគ្នា បានរងការខាតបង់ទាំងស្រុង ។ តែយ៉ាងណាហេតុការណ៍នេះ មិនបានបង្កឲ្យប៉ះពាល់ដល់អាយុជីវិតមនុស្សនោះទេ ។
លោកស្នងការរងបានបញ្ជាក់ថា ជាមួយគ្នានេះនគរបាលបានប្រើប្រាស់រថយន្តអន្តរាគមន៍ចំនួន៣គ្រឿងរបស់ស្នងការដ្ឋាន២គ្រឿង និងរថយន្តអធិការដ្ឋានស្រុកចិត្របុរី១គ្រឿង ប្រើប្រាស់ទឹកចំនួនជាង២០ឡាន ដើម្បីបាញ់ពន្លត់ទប់ស្កាត់មិនឲ្យមានការឆេះរាលដាល ។
អាជ្ញាធរនៅមិនទាន់បានកំណត់ថា គ្រោះអគ្គិភ័យដែលបង្កជាមហន្តរាយធ្ងន់ធ្ងរនេះបាន ផ្តើមចេញពីអ្វីឲ្យប្រកដនៅឡើយទេ តែបើតាមសក្សីដែលឃើញហេតុការណ៍មុនគេ បាននិយាយថា គេបានឃើញអណ្តាតភ្លើងបានឆេះចេញពីផ្ទះឈើលក់គ្រឿងទេស និងបានឆាបឆេះរាលដាលយ៉ាងសន្ធោសន្ធៅឡើង ៕|
ចែករំលែកព័តមាននេះ