រថយន្តកុងតឺន័រពន្លះរថយន្តដឹកអេតចាយកិនស្លា.ប់ម្នាក់
- រតនគិរី
ខេត្តព្រះសីហនុ ៖ នៅវេលាម៉ោង ១១:១០នាទីយប់ ថ្ងៃទី២៣ ខែមីនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រ ២១៤-២១៥…
ខេត្តព្រះសីហនុ ៖ នៅវេលាម៉ោង ១១:១០នាទីយប់ ថ្ងៃទី២៣ ខែមីនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រ ២១៤-២១៥…
ខេត្តព្រះសីហនុ ៖ នៅវេលាម៉ោង ១១:១០នាទីយប់ ថ្ងៃទី២៣ ខែមីនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រ ២១៤-២១៥ ស្ថិតនៅក្នុងភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរមួយកើតឡើង រវាងរថយន្តដឹកអេតចាយ HYUNDAIបើកបរដោយឈ្មោះ ថុន ចិត្រា ភេទប្រុស អាយុ២៧ឆ្នាំ មុខរបរអ្នកបើកបររថយន្ត មានទីលំនៅភូមិចុងអូរ ឃុំសំរ៉ុង ស្រុកព្រៃនប់ ខេត្តព្រះសីហនុ មានទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើក៏បានបុកពីខាងក្រោយរថយន្តដឹកកុងតឺន័រ១គ្រឿងទៀត មិនស្គាល់អត្តសញ្ញា មានទិសដៅស្របគ្នា បណ្ដាលឲ្យធ្លាក់អ្នករួមដំណើរលើរថយន្ត (អង្គុយខាងលើអេតចាយ) រួចកិនពីលើ ឬឯរថយន្តកុងតឺន័របើករត់គេចបាត់ មិនឈប់នៅកន្លែងកើតហេតុឡើយ ។
គ្រោះថ្នាក់នេះបណ្ដាលឲ្យស្លាប់មនុស្សម្នាក់ និងរងរបួសមនុស្សចំនួន៣នាក់មាន ១.ឈ្មោះ ទិត្យ ពិន ភេទប្រុស អាយុ៣៧ឆ្នាំ មានទីលំនៅភូមិអូរឧកញ្ញ៉ាហេង ឃុំអូរឧកញ្ញ៉ាហេង ស្រុកព្រៃនប់ ស្លាប់នៅនឹងកន្លែងកើតហេតុ ។ ២.ឈ្មោះ ណាំ ហុង ភេទប្រុស អាយុ៣២ឆ្នាំ មានទីលំនៅភូមិបឹងរាំង ឃុំសាមគ្គី ស្រុកព្រៃនប់ រងរបួសបាក់ជើង ។ ៣.ឈ្មោះ ភាន់ ភិន ភេទប្រុស អាយុ៣៣ឆ្នាំ មានទីលំនៅភូមិបឹងរាំង ឃុំសាមគ្គី ស្រុកព្រៃនប់ រងរបួសបាក់ជើង ។ និង៤.ឈ្មោះ ឡូច ភេទប្រុស អាយុ២៤ឆ្នាំ មានទីលំនៅភូមិទួល ឃុំទឹកល្អក់ ស្រុកព្រៃនប់ រងរបួសបាក់ជើង ។
អ្នករងរបួសទាំងអស់បានបញ្ជូនទៅសង្គ្រោះនៅគ្លីនិកមិត្តភាព ។ ចំណែកអ្នកបើកបររថយន្តឈ្មោះ ថុន ចិត្រា រត់គេចខ្លួនបាត់ក្រោយពេលកើតហេតុ ។ ឬឯវត្ថុតាងរថយន្ត១គ្រឿងខូចខាតកម្រិតធ្ងន់ សមត្ថកិច្ចជំនាញចាត់ចែងស្ទូចយកចេញពីកន្លែងកើតហេតុ យកមករក្សាទុកនៅការិយាល័យនគរបាលចរាចរណ៍ស្រុកព្រៃនប់ ៕
ចែករំលែកព័តមាននេះ