ខេត្តស្ទឹងត្រែង ៖ អាជ្ញាធរខេត្តរួមនឹងមន្ទីរកសិកម្មខេត្តស្ទឹងត្រែង សហការជាមួយគម្រោងសាវប្បកម្មកម្ពុជា ពង្រឹកការអនុវត្តគម្រោងក្នុងទឹកប្រាក់ជាង៤លានដុល្លារេះ សម្រាប់រយៈពេល៤ឆ្នាំ ដើម្បីជួយកសិករឱ្យងាកមកដាំបន្លែ ដែលមានទីផ្សារងាយស្រួលក្នុងការនាំចេញ និងបានប្រាក់ចំណូលច្រើនជាងមុន ។
គម្រោងសាកវប្បកម្មកម្ពុជា ដើម្បីបង្កើនប្រាក់ចំណូលនឹងអាហារូបត្ថម្ភដំណាក់កាលទី២ នៅខេត្តស្ទឹងត្រែង កាលពីថ្ងៃទី១២ ខែកុម្ភៈ ឆ្នាំ២០១៨ លោក ជា ថាវរិទ្ធ អភិបាលរងខេត្តមានប្រសាសន៍ថា កសិករត្រូវព្យាយាមបន្ថែម អភិវឌ្ឍន៍មុខរបររបស់ខ្លួន ព្រោះយើងមានបង្អែកពីគម្រោងសាកវប្បកម្មកម្ពុជា(ហៅកាត់ថា គម្រោងឆេន) ជួយបង្ហាត់បង្រៀនបច្ចេកទេស ផ្តល់គ្រាប់ពូជ និងរកទីផ្សារសម្រាប់នាំចេញបន្ថែមទៀត ។
លោកអភិបាលរងលើកឡើងបន្តថា កត្តាសំខាន់ជាងនេះ គឺកសិករខ្លួនឯងត្រូវមានដីអំណោយផល និងជ្រើសរើសដាំដំណាំណាដែលមានទីផ្សារកំពុងត្រូវការនាំចេញ ។
លោក លៀង សេង ប្រធានមន្ទីរកសិកម្មរុក្ខប្រមាញ់នឹងនេសាទខេត្តបានទទួលស្គាល់ថា ៖ ក្រោយពីយើងមានគម្រោងឆេនលើកទី១មក សង្កេតឃើញកសិករយើងមានការយល់ដឹងច្រើន ក្នុងចំណោមប្រជាពលរដ្ឋ៨៣% បានធ្វើការងារកសិកម្មសម្រាប់ចិញ្ចឹមជីវិត កាត់បន្ថយបានពីការពឹងផ្អែកលើធនធានធម្មជាតិ ហើយមន្ត្រីកសិកម្មសហការជាមួយគម្រោងឆេន ជូយគាំទ្រដល់កសិករដែលចាប់យកមុខដំណាំណាមួយពិតប្រាកដមានលក្ខណៈអាចកែច្នៃបាន ។
លោកស្រី ផុន សុភា កសិករដាំម្ទេសនៅភូមិឃុំកំភុន ស្រុកសេសានបានបញ្ជាក់ថា គម្រោងឆេន ពិតជាបានធ្វើឱ្យកសិករទទួលបានចំណេះដឹងថ្មីៗ ជសម្រាប់យកមកអនុវត្តដូចជា ការរើសពូជ ដំណាំផលិតបានបន្លែសរីរាង្គ ទទួលបានទិន្នផលខ្ពស់ មានទីផ្សារលក់ងាយស្រួលជាងធ្វើចំការផ្សេងៗ ការងារអញ្ចឹងវាស្រួលម្យ៉ាងដែរ វាមិនសូវហត់ដូចធ្វើចម្ការដាំដំឡូង ។
អ្នកស្រី មារីគី.វ៉ានហ្សី ប្រធានគម្រោងសាវប្បកម្មកម្ពុជានៅបន្តគាំទ្រជាមួយសកម្មភាពអនុវត្តគម្រោងនេះ ព្រោះកន្លងមកឃើញកសិករដាំដុះបានដាំណាំច្រើនមុខដូចជា ខ្ទឹមខាត់ណា ប៉េងប៉ោះ ត្រសក់ សាលាដ និងស្ពៃជាច្រើនទៀត ។
សូមបញ្ជាក់ថា គម្រោងសាវប្បកម្មកម្ពុជាលើកទី២នេះ គ្រោងចំណាយថវិការជាង៤លានដុល្លារ សម្រាប់អនុវត្តន៍ទៅលើខេត្តចំនួន៤ ដែលការអភិវឌ្ឍផ្នែកសេដ្ឋកិច្ច នៅមានកម្រិតទាប ក្នុងនោះមានខេត្ត ឧត្តរមានជ័យ ក្រចេះ ព្រះវិហារ និងស្ទឹងត្រែង ចាប់ពីឆ្នាំ២០១៨ ដល់ឆ្នាំ ២០២១ ៕
ចែករំលែកព័តមាននេះ