ខេត្តស្ទឹងត្រែង ៖ សេចក្តីរាយការណ៍បឋមឱ្យដឹងថា កាលពីវេលាម៉ោង៧ និង៤៧នាទីព្រឹកថ្ងៃទី២៣ មីនា
កម្លាំងរាជអាវុធហត្ថស្រុកថាឡាបរិវ៉ាត់ បានឃាត់ចាប់ម៉ូតូដឹកឈើ ស្ថិតត្រង់ចំណុចគល់ស្ពានមេគង្គ ក្នុងភូមិអូរត្រែល ឃុំអូរត្រែល ស្រុកថាឡាបរវ៉ាត់ ខេត្តស្ទឹងត្រែង ។ ក្នុងនោះ កម្លាំងដកហូតបានឈើធ្នុងចំនួន១០៩ដុំ ឈើបេងចំនួន០៦ដុំ, ម៉ូតូ៤គ្រឿង និងមនុស្សចំនួន៤នាក់ ។
សេចក្តីរាយការណ៍បន្តថា ទាំង៤នាក់ ១-ឈ្មោះសឿន វត្ថា អាយុ២២ឆ្នាំ ជាកសិករ រស់នៅភូមិ_ឃុំ ចំការលើស្រុកថាឡាបរិវ៉ាត់ ២-ឈ្មោះភី វណ្ណី អាយុ៣០ឆ្នាំ ជាកសិករ ៣-ឈ្មោះចេង លី អាយុ២៨ឆ្នាំ ជាកសិករ រស់នូវភូមិទាល់ឃុំអន្លុងភេ ស្រុកថាឡាបរិវ៉ាត់ ខេត្តស្ទឹងត្រែង និង៤-ឈ្មោះ ជូ ថាន អាយុ៣០ឆ្នាំ ជាកសិ
ករ ។
បច្ចុប្បន្ន ឈើទាំងនោះ ត្រូវបានប្រគល់ឱ្យផ្នែករដ្ឋបាលព្រៃឈើស្រុកថាឡាបរិវ៉ាត់រក្សាទុក ។ ចំពោះម៉ូតូរក្សាទុកអធិការដ្ឋានជាបណ្តោះអាសន្នសិន។ ចំណែកមនុស្សអប់រំធ្វើកិច្ចសន្យា រួចវិលត្រឡប់ទៅផ្ទះវិញ។
ចែករំលែកព័តមាននេះ