រាជធានីភ្នំពេញ ៖ ជារឿងគួរឱ្យហួសចិត្តមួយ ក្រោយពីមានពលរដ្ឋបានខឹងសម្បារជាមួយសមត្ថកិច្ច ក្នុងការទៅបង្ក្រាបករណីគ្រឿងញៀន ។ ជាក់ស្តែង គឺក្រោយពីបានឃាត់ខ្លួនជនសង្ស័យចំនួន២នាក់ ព្រមទាំងដកហូតថ្នាំញៀនចំនួន២០កញ្ចប់នោះ ស្រាប់តែត្រូវសាច់ញាតិក្រុមជនសង្ស័យខាងលើ…
រាជធានីភ្នំពេញ ៖ ជារឿងគួរឱ្យហួសចិត្តមួយ ក្រោយពីមានពលរដ្ឋបានខឹងសម្បារជាមួយសមត្ថកិច្ច ក្នុងការទៅបង្ក្រាបករណីគ្រឿងញៀន ។ ជាក់ស្តែង គឺក្រោយពីបានឃាត់ខ្លួនជនសង្ស័យចំនួន២នាក់ ព្រមទាំងដកហូតថ្នាំញៀនចំនួន២០កញ្ចប់នោះ ស្រាប់តែត្រូវសាច់ញាតិក្រុមជនសង្ស័យខាងលើ បានជេរប្រមាថដល់កម្លាំងសមត្ថកិច្ចយ៉ាងចាស់ដៃបំផុត ។ នេះមិនមែនជាលើកទី១ទេ ដែលពលរដ្ឋក្នុងប្លុកនោះ ប្រតិកម្មជេរបែបនេះ ប៉ុន្តែកម្លាំងក៏មិនបានតបតទេ គ្រាន់តែសួរទៅអ្នកជេរទាំងនោះវិញថា តើធ្វើបែបនេះ ដើម្បីនរណា សុវត្ថិភាពអ្នកណា? ។
គួរបញ្ជាក់ថា កម្លាំងពិសេសនគរបាលខណ្ឌពោធិ៍សែនជ័យ និងផ្នែកប្រយុទ្ធប្រឆាំងគ្រឿងញៀនខណ្ឌដឹកនាំដោយ លោកអនុសេនីយ៍ទោសុខ បញ្ញា នាយរងផ្នែកសន្តិសុខ បានចុះបង្ក្រាបទីតាំងជួញដូរគ្រឿងញៀនមួយកន្លែង ស្ថិតនៅខាងក្រោយវត្តគោកបញ្ជាន់ ភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ កាលពីវេលាម៉ោង០៦ និង២០នាទីល្ងាចថ្ងៃទី២២ មីនា ឆ្នាំ២០១៨ ។ ក្នុងនោះបានឃាត់ខ្លួនជនសង្ស័យ២នាក់ ព្រមទាំងដកហូតបានគ្រឿងញៀនចំនួន២០កញ្ចប់ផងដែរ ។បន្ទាប់មក ក៏បាននាំទៅធ្វើការសាកសួរ និងកសាងសំណុំរឿងបញ្ជូនទៅតុលាការ ។ ជនសង្ស័យទី១-ឈ្មោះ ជ័យ នាង អាយុ៤០ឆ្នាំ ជាកម្មករសំណង់ ស្នាក់នៅភូមិថ្មគោល សង្កាក់ចោមចៅ២ កាន់ថ្នាំញៀនចំនួន១៣កញ្ចប់តូច និងទី២-ឈ្មោះ នី គឹមអាន អាយុ៣៧ឆ្នាំ ជាកម្មសំណង់ នៅភូមិថ្មគោល សង្កាក់ចោមចៅ២ កាន់ថ្នាំញៀនចំនួន៧កញ្ចប់តូច។
នគរបាលបាននិយាយថា ការចាប់ខ្លួនក្រុមជួញដូរគ្រឿងញៀនខាងលើ ធ្វើឡើងតាមរយៈការស្រាវជ្រាវ ហើយដែលក្រុមជនសង្ស័យទាំងនោះ ដាក់លក់មិនខ្លាចញញើតសមត្ថកិច្ចសូម្បីតែបន្តិចឡើយ ។ ពួកគេបានយកទីតាំងខាងលើ ធ្វើជាកន្លែងជួញដូរគ្រឿងញៀន ដូចផ្សារបន្លែត្រីសាច់ដូច្នោះដែរ ។
ចែករំលែកព័តមាននេះ