រាជធានីភ្នំពេញ ៖ នាងយ៉ាយ៉ា អ៊ុយរ៉ាស្សាយ៉ា កំពូលតារាសម្តែងឆ្នើមនៃឧស្សាហកម្មភាពយន្តថៃកាលពីថ្ងៃទី ១៨ ខែមីនាបានធ្វើខួបកំណើតឈានចូលវ័យ ២៥ ឆ្នាំរបស់ខ្លួនយ៉ាងស្ងៀមស្ងាត់ជាមួយមិត្តភ័ក្ត្រជិតដិតរបស់នាង ។
ខណៈអ្នកគាំទ្ររបស់នាងទន្ទឹងចង់ដឹង និងចង់ឃើញថានាងយ៉ាយ៉ា និងគូរសង្សារបស់នាងគឺលោក ណាដេត គុជិមីយ៉ា នឹងមានសកម្មភាពផ្អែមល្អែមយ៉ាងណាសម្រាប់ថ្ងៃខួបកំណើតរូបនាង តែគួរឲ្យសោកស្តាយលោកណាដេត បែរជាមិនមានវត្តមានទៅវិញ ។ អវត្តមានរបស់លោក ណាដេត បានធ្វើឲ្យអ្នកគាំទ្ររូបលោកក៏ដូចជាអ្នកគាំទ្រនាងយ៉ាយ៉ា អន្ទះសារចង់ដឹងពីមូលហេតុដែលបុរសសង្សារដែលជាតារាសម្តែងល្បីឈ្មោះមួយដួងដែរនោះ វត្តមានថ្ងៃពិសេសរបស់គូស្នេហ៍យ៉ាងនេះ ។
យ៉ាងណាមិញតាមប្រភពអ្នកសម្តែងដូចគ្នាបានសរសេរក្នុងគណនីអ៊ីនស្តាក្រាមថាលោក ណាដេត ដោយសារតែជាប់ថតខ្សែភាពយន្ត ទើបមិនអាចមកចូលរួមកម្មវិធីពិសេសរបស់គូស្នេហ៍ ៕
ចែករំលែកព័តមាននេះ