ខេត្តកំពង់ចាម ៖ បុរសចំនួនពីរនាក់បានស្លាប់ភ្លាមៗ គួរឲ្យរន្ធត់នៅក្នុងហេតុការណ៍គ្រោះថ្នាក់ចរាចរណ៍
មួយដែលបានកើតឡើងនៅលើកំណាត់ផ្លូវជាតិលេខ៦ ត្រង់ចំណុចមេទឹកទំនប់ថ្មីខាងត្បូង ភូមិបាធាយ
ឃុំបាធាយ ស្រុកបាធាយ។ ហេតុការណ៍កើតឡើងនៅវេលាម៉ោង៣ និង៣០នាទីយប់ ទៀបភ្លឺឈានចូល
ព្រឹកថ្ងៃទី២២ មីនា ២០១៨ រវាងរថយន្ត និងរថយន្តធុនធំ ដោយបានកៀបជាប់ក្នុងរថយន្តដំបូងគេមិន
ស្គាល់អត្តសញ្ញាណអ្នកស្លាប់នោះទេ ក្រោយមកទើបបានស្គាល់។ លោកវរសេនីយ៍ត្រី សុខ សូល អធិការរងនគរបាលស្រុកបាធាយ ទទួលផែនសណ្តាប់ធ្នាប់ប្រាប់ឲ្យដឹងថា នៅពេលមុនកើតហេតុ រថយន្តម៉ាកហ៊ីណូពណ៌ស ពាក់ស្លាកលេខ ក្រុងព្រះសីហនុ 3A-1880 ដែលបានខូចបានឈប់ចត ក្នុងទិសដៅពីត្បូងមកជើង ព្រមទាំងបានដឹកដែកសរសៃថែមទៀតផង។
ការឈប់ដោយធ្វេសប្រហែស នេះក៏ស្រាប់តែនៅវេលាម៉ោងខាងលើ ស្រាប់តែមានរថយន្ត១គ្រឿងម៉ាកហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3E-1533 បើកបរក្នុងទិសដៅស្របគ្នាមកបុកពីក្រោយពេញទំហឹងតែម្តង បណ្តាលឲ្យរងរថយន្តរងការខូចខាតយ៉ាងដំណំទាំងពីរគ្រឿងដូចគ្នា។ លោកអធិការរងទទួលផែន សណ្តាប់ធ្នាប់ស្រុកបាធាយ ប្រាប់បន្តថា ក្រោយពីហេតុការណ៍គ្រោះថ្នាក់ចរាចរណ៍នេះអ្នកបើកបររថយន្តដែលឈប់ចតនោះ បានរត់គេចខ្លួនបាត់ដោយបន្សល់ទុកតែរថយន្ត
នៅកន្លែងកើតហេតុ។
អ្នកបើកបររថយន្ត និងព្រូម្នាក់ ដែលបើកបុកបណ្តាលឲ្យស្លាប់ កៀបជាប់ក្នុងរថយន្តទាំងពីរនាក់ដំបូងគេមិនស្គាល់អត្តសញ្ញាណឡើយ។ តាមការស្រាវជ្រាវក្រោយមកទើបស្គាល់អត្តសញ្ញាណអ្នកបើកបរឈ្មោះ សោម ឆវិន ភេទប្រុស អាយុ២២ឆ្នាំ នៅភូមិសាមគ្គី សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ២-ព្រូរថយន្តឈ្មោះ អាត ភារុន ភេទប្រុស អាយុ២៣ឆ្នាំ នៅភូមិសរីអណ្តែត ឃុំនិទាន ស្រុកបសេដ្ឋ ខេត្តកំពង់ស្ពឺ។ សាកសពត្រូវបានសមត្ថកិច្ចប្រគល់ជូនទៅសាច់ញាតិដើម្បីយកទៅធ្វើបុណ្យតាមប្រពៃណី ចំណែករថយន្តទាំង២គ្រឿងត្រូវបានអូសមករក្សាទុកនៅអធិការដ្ឋាននគរបាលស្រុកបាធាយ ដើម្បីធ្វើការស្រាវជ្រាវដោះស្រាយតាមច្បាប់៕
ចែករំលែកព័តមាននេះ